影片
更多
2009-12-30
264 浏览
食完雅憩回酒店休息一阵，大家分发好抽到的XMAS礼物，再收拾行装，去四季酒店行下﹗钱就无赌，不过四季有样好就系赌场入面可以叫生啤饮，睇住友人赌钱我就有野饮，唔错唔错﹗友人小胜而回，又再出发去下一站食宵夜，地点系国庆食完的林记﹗地点在黑沙环，四季打的去大约七十蚊左右。一入门口就见到张老板，佢同友人在开XMAS PARTY，我地只系食过一次当然唔会认得我地，不过都走埋黎同我地SOCIAL一番，认真亲切﹗来呢度当然大口大口啤酒，$11支青岛抵饮又顺喉，最紧要是叫多六只骰盅，一路玩一路食最有气氛。先来的是上次吃过超好味的葡式冻虾，以大量洋葱加入芫茜橄榄油腌制而成，虾是已去壳的中虾大大只，与一大羹配料同吃，惹味非比寻常，一客有八只，我最至钟意食0的臭口野，食完虾都仲要铲0的洋葱来吃，好好味啊﹗再来是川味花螺，花螺够多配上杰挞挞既川汁，辣度十足，花螺虽然细只不过很爽口新鲜，辣汁是辣中有麻，香港很多地方的辣酒螺辣度未及佢一半，友人吃到成头汗，可知一二﹗纸包银鳕鱼，味道就比较淡，亦也许我地岩岩吃完两个浓味食物，吃不出其应有味道﹗炸墨鱼球外脆内软，咬入里面仲有不少墨鱼小粒，吃落就知是手打的，口感烟韧弹牙
钱就无赌，不过四季有样好就系赌场入面可以叫生啤饮，睇住友人赌钱我就有野饮，唔错唔错﹗
友人小胜而回，又再出发去下一站食宵夜，地点系国庆食完的林记﹗
地点在黑沙环，四季打的去大约七十蚊左右。
一入门口就见到张老板，佢同友人在开XMAS PARTY，我地只系食过一次当然唔会认得我地，不过都走埋黎同我地SOCIAL一番，认真亲切﹗
来呢度当然大口大口啤酒，$11支青岛抵饮又顺喉，最紧要是叫多六只骰盅，一路玩一路食最有气氛。
先来的是上次吃过超好味的葡式冻虾，以大量洋葱加入芫茜橄榄油腌制而成，虾是已去壳的中虾大大只，与一大羹配料同吃，惹味非比寻常，一客有八只，我最至钟意食0的臭口野，食完虾都仲要铲0的洋葱来吃，好好味啊﹗
再来是川味花螺，花螺够多配上杰挞挞既川汁，辣度十足，花螺虽然细只不过很爽口新鲜，辣汁是辣中有麻，香港很多地方的辣酒螺辣度未及佢一半，友人吃到成头汗，可知一二﹗
纸包银鳕鱼，味道就比较淡，亦也许我地岩岩吃完两个浓味食物，吃不出其应有味道﹗
炸墨鱼球外脆内软，咬入里面仲有不少墨鱼小粒，吃落就知是手打的，口感烟韧弹牙有嚼劲，墨鱼味浓厚，不用蘸酱吃我觉得更能食出佢既质素，越食越有味道﹗
老板上次同我地讲要吃烤牛舌，今次就叫一份来试下，不吃内脏的我也放胆吃半片，讲真唔太识欣赏牛舌的美味，我只觉得味道有0的似煎脆左而又比较烟韧既午餐肉。
烤鱿鱼干前后ORDER了两碟，香口小食最岩佐酒，蘸芥辣豉油同吃更是一绝，六人也大赞﹗
孜然牛粒虽然卖成一百蚊一碟，不过佢所用既牛肉粒牛味真的浓郁，口感软熟而有质感，吃得出那丰腴的肥美，大大粒千其唔好咬两野就吞，多嚼几口让口腔满充斥那牛肉味道是一份享受，牛味一浪接一浪，嗜牛者必满意﹗
最后来了一个虾咖哩加猪仔包及蒜蓉包，咖哩够香而微辣，送面包真的一流，虾是中虾爽口新鲜，呢间野的猪仔包十分香脆，差不多见到枱枱都用佢来蘸咖哩，真系几鬼好味架﹗
成枱都系野食，玩下骰盅大叫大嚷，这就是我们的宵夜，玩到12:00个个眼皮半合，先尽兴而归﹗
埋单六百几蚊，饮左十几支BEER咁多野食都咁抵，又是要再推介的时候﹗
张贴
