新麻蒲 BBQ

营业中

休息中

难得一次黎到澳门, 除左要试下手气之外，当然要好下好野啦。呢间韩烧店系香港都食过一次，见到澳门呢度都新开左一间，就同朋友去食餐好!餐牌上嘅选择都几多，我地主要叫左个Beef Combo，同埋一啲小食之后，就先食左各款韩式前菜。泡菜和酸白菜渍物都系自己腌制，泡菜味道没有坊间嘅酸同埋味精重，辛口爽脆开胃；而腌白菜嘅味道仲可以有消腻醒胃之效。系等紧泡菜炉边蛋嘅时候，大家都叫左几款有特色嘅韩式饮品，梅子酒、梨子汁味道都几好饮，配合各款烧肉都非常合适。大家都期待嘅beef combo套餐，有牛护心肉，薄牛腩，牛小排，牛小排寿司，仲有虾，菠萝，菇，大酱汤送牛小排寿司。牛小排寿司上枱果时仲系生牛肉，服务员会系我地面前用火枪烧d肉，视觉效果一流，加上少少烧汁，非常好食。护心肉嘅油脂分布比例十分均匀，牛味香浓，肉汁丰富，烧大概一分钟左右就食得，非常嫩滑松软。薄牛腩十分香滑而薄薄地一块, 唔觉得油腻同样食到牛香味。而菠萝都超级爽甜，可以清一清口腔之余仲可解油腻感，非常贴心嘅餐单设计。而海虾大大只，鲜味十足，而且虾身够弹牙，选料相当唔错!最后有额外叫嘅肉眼排，色泽粉嫩，烧系嘅时候食得出好有咬口而且肉味浓郁。