世記咖啡

营业中

休息中

去澳门点可以唔食猪扒包！见有人推介呢间世纪咖啡，一于就试一试佢啦！佢嘅地点好唔显眼，位处于一条巷仔嘅尽头，唔行到入去都见唔到佢个招牌，初时我哋都行过咗龙。铺头地方唔算大，净系做外卖，有一张长凳可以比客人坐喺度等，大约可以坐四至五个人。嘢食都系即叫即做，所以都预咗要花啲时间等待。首先梗系试咗佢个「秘制猪扒包」先啦，猪扒系即叫即做，热辣辣，不论系个包定系块猪扒，都好好味！事后我哋仲encore 咗一个再黎就系佢好出名嘅「花生奶油方块」，初头谂住都系一般食开𠮶啲奶油多，冇乜特别，不过见好多人赞，就一于都试下！叫咗，真系食唔停口，好多酱，好香，面头仲有花生碎！好味！最后，黎得咖啡店梗系要饮咖啡。冬天本来应该要饮啲热饮，不过人太多，佢实在煮唔切，所以只可以叫涷饮。「瓦煲咖啡」有𠮶阵㶶㶶哋嘅味，都几香，热饮应该会更香！「香滑奶茶」嘅茶味好浓。嘢饮黎讲，冇我想像中咁出色，但可以一试嘅。