影片
更多
2017-04-06
1829 浏览
今次黎澳门预先揾左几间食店要试，其中广兴美食系有唔少澳门ig朋友都会打卡嘅小店，加上距离住嘅酒店都唔系太远，于是check out之后就直接过黎。由于系周一，时间尚早，入座嘅时候只有几位客人，陈设环境有少少似国内嘅面店。广兴主要供应粉面，廿零蚊左右，唔贵，另有少量饭类就三十蚊。但我地主要黎就想食佢地嘅招牌「海鲜米」，因为见人地啲相都几吸引。所谓海鲜米，我见墙上贴左啲相，有花蛤米、蛏子米、濑尿虾花蛤米、蛏子花蛤蒜蓉虾米四款，我地点左后面两款试下。濑尿虾花蛤米 $43老实讲，喺呢度食碗四十几蚊嘅米粉一啲都唔平，睇番佢地呢几款米粉嘅价钱都涨价唔少。米粉卖相唔错，四只濑尿虾整齐摆放，旁边有七、八粒花蛤，米粉汤底睇落都几清~濑尿虾就唔算好细只，但冇乜肉食，鲜味讲唔上。米粉味道较淡，食落爽口，所谓汤底亦都冇乜特别，反而加左佢地嘅辣椒油几好食。蛏子花蛤蒜蓉虾米 $53男朋友点嘅系有齐三款嘅米粉，呢个价钱配合质素，我觉得太贵了…蛏子有五粒，花蛤同样地有七、八粒，可惜两者都一般，食落有沙，尤其蛏子…蒜蓉虾有炸过，令成碗粉冇我𠮶碗咁淡茂茂，不过虾都唔新鲜，肉有啲霉霉地。呢个价钱本来料靓嘅话，当然系抵食，不
由于系周一，时间尚早，入座嘅时候只有几位客人，陈设环境有少少似国内嘅面店。
广兴主要供应粉面，廿零蚊左右，唔贵，另有少量饭类就三十蚊。但我地主要黎就想食佢地嘅招牌「海鲜米」，因为见人地啲相都几吸引。所谓海鲜米，我见墙上贴左啲相，有花蛤米、蛏子米、濑尿虾花蛤米、蛏子花蛤蒜蓉虾米四款，我地点左后面两款试下。
濑尿虾花蛤米 $43老实讲，喺呢度食碗四十几蚊嘅米粉一啲都唔平，睇番佢地呢几款米粉嘅价钱都涨价唔少。
米粉卖相唔错，四只濑尿虾整齐摆放，旁边有七、八粒花蛤，米粉汤底睇落都几清~
濑尿虾就唔算好细只，但冇乜肉食，鲜味讲唔上。米粉味道较淡，食落爽口，所谓汤底亦都冇乜特别，反而加左佢地嘅辣椒油几好食。
蛏子花蛤蒜蓉虾米 $53男朋友点嘅系有齐三款嘅米粉，呢个价钱配合质素，我觉得太贵了…
蛏子有五粒，花蛤同样地有七、八粒，可惜两者都一般，食落有沙，尤其蛏子…
蒜蓉虾有炸过，令成碗粉冇我𠮶碗咁淡茂茂，不过虾都唔新鲜，肉有啲霉霉地。
呢个价钱本来料靓嘅话，当然系抵食，不过同预期有少许落差。反而佢地普通米粉价钱平啲，可能仲好食
饮品 $11/枝
餐牌：
张贴
