勝利茶餐室

营业中

休息中

未落车啊妈远处见到呢间胜利就已经话佢个猪扒包好出名，于是就决定试吓佢个早餐。佢早餐都有常餐啊面啊𠮶啲，不过都偏贵大概四十几到五十蚊左右，咁我就宁愿单嗌猪扒包食吓啦。点知见到隔离枱妹妹个西多士好似好正，就叫埋西多士试试佢。一上枱就觉得个猪扒包好有份量，长到个碟都装唔落咁。个猪仔包底有烘过，少少脆脆地夹埋炸猪扒嘅油就啱啱好，唔会太干。炸猪扒腌得好入味，咁啱我呢份系无骨嘅，啖啖肉超幸福。不过我一个人就食唔晒一份啦，建议女仔都系两个人分，唔怕肥又唔怕浪费食物。西多士就卖相好靓，其实味道都唔差，只不过入面无花生酱所以有少少失望。我觉得无花生酱嘅西多士真系好dry啊～～佢西多上面仲有好大块方型牛油，完全系igable，打卡一流! 不过我就唔会再嗌嚟食啦。