巴黎軒

营业中

休息中

同妈妈过大海庆祝澳门生日之旅正式开始💃之前听老细介绍过呢间餐厅嘅点心同环境都非常之好！所以我哋一早就已经book咗枱😁不过留意返如果想坐窗边位嘅话，如果遇到繁忙时段，系会有时限㗎！详情就要自己问返餐厅啦❤️先讲讲佢哋嘅环境真系令人印象深刻！巴黎铁塔嘅设计风格，所以就算系食中菜都好，环境气氛都几西式！ 💃但系食嘅时候亦都唔会令你有一种过份拘谨嘅感觉，呢样嘢真系好好！然之后食物由于我哋晏昼嚟，所以食就梗系要食佢哋嘅点心啦😆佢哋嘅点心有厨师帽𠮶啲，记得都一定要试下😍😍因为样样都真系好好味！有几好味我就唔多讲喇，摆得出嚟畀大家嘅都系真心推介上大家试下架💃然后要讲佢哋嘅服务啦！佢哋其中有个服务员，系男仔嚟㗎，做咗半年左右，进食嘅过程 佢都介绍番每一道菜色嘅特色，完全将厨师嘅心机更加用说话去表达出嚟！而且仲教我哋点样影靓相。❤️真系好欣赏佢呢一份嘅态度！而且全程都笑容可掬，而最最最紧要就梗系多谢餐厅安排咗最靓景L型位置嘅窗边位畀我哋啦😁因为L型嘅位置可以睇到接近180度的风景，如果净系单边嘅窗边位就只可以睇到一边嘅风景嘅咋😄顺带一提金沙会员系有九折㗎😁