天潮

营业中

休息中

其实澳门除左葡国菜之外，中菜都其实几出色，今次就黎到皇朝区的天潮，试下佢个佛跳墙二人餐。二人餐都几丰富，包括有两盅迷你佛跳墙、潮式海味煲、西兰花烩黑豆腐同埋黄金翡翠炒饭。<迷你佛跳墙>佛跳墙汤底好清甜，应该已经吸收晒啲精华，材料都好丰富，包括有鲍鱼、海参、花胶、翅、鸡肉、瑶柱同杞子等，饮完都饱左一半。<潮式海味煲>海味煲首先要赞系份量极多，包括好多土鱿同埋虾干，仲有花胶添同唔同种类的杂菇。而酱汁系蚝油底够浓稠，所以可以挂汁包住晒系啲海味身上，令到味道层次更加丰富。<西兰花烩黑金玉子豆腐>黑豆腐豆味特别浓，仲有少少焦香味，好似食紧芝麻糊咁，玉子豆腐质感亦够滑，配埋瑶柱金菇芡令整个𩠌菜味道升华。份量极多，基本上两个人系食唔晒。<黄金翡翠炒饭>炒饭粒粒分明够干身，味道都几香口。整体黎讲，地方环境都好舒适，𩠌菜味道又唔错，又够足料。虽然今次食左二人餐，其实份量之多三个人食都够，性价比唔错。