卡夫卡

营业中

休息中

呢间店不设预订，所以到店先攞筹，再到附近行吓街返来都未迟，因为真系长期都有人等位。小王子：系甜品柜入面都有十几款选择，我觉得最靓系呢个，非常适合影相呃like，而口味就系外层慕丝，中间有红莓酱同啫喱，对于我嚟讲我觉得偏甜，所以食唔晒反而系呢个....招牌奶茶：我一向对港版奶茶有偏爱，觉得澳门奶茶唔够茶味，所以都冇乜期望，但呢个好味，有用伯爵茶？茶味浓，奶泡滑，微微甜味，赞！原味梳乎厘：蛋味浓，唔太甜，佢都有4-5种口味，但当日只有朱古力同原味，下次有机会要试伯爵茶味。香蕉朱古力吐司：卖相不及小王子但系超好食，因为方包入面有牛油沙糖焗过，再加上雪糕，最需要技巧嘅可能系个朱古力cream，但已经够赢。