群芳 (已結業)

话晒都系五星酒店，早餐一定有保证！对不起，错晒。西式食物唔够多元化，hams 得一两种又无注明是什么肉。沙律菜也是一两种，份量太少，紫椰菜太硬，而且有沙律没有槛榄油和黑醋。乳酪是独立包装的小盒，籽类又唔够，干果欠奉，conflick 唔脆兼太硬。芝士，无注明系乜芝士。奄列，无味，湿的。中式方面，最正常系蒜香排骨、白粥。点心！哇！如果这是外国人第一次食点心，我估佢呢世都唔会再食第二次！虾饺的皮，又厚又粘，虾又细，味又怪，勉强吞下。肠粉，粉很怪，不像天然，是预制食物。食左都顶住，消化唔到。最受欢迎系汤面。生菜、肉丝、豆卜⋯⋯ 清汤。仲衰过车仔面档。最惊讶是香草焗蕃茄，蕃茄是蕃茄仔，未切，无入味之余劲酸！酸过醋。有几味印度咖哩，无试。甜品竟然无葡挞，咁算点！？在酒店buffet 无当地著名食物！松饼值得食，最ok这个，但连丹麦馅饼都无，可是饼师水平有限。牛角包，无试。但我见到个饼师用手拎-_-#咖啡，不错。我觉得个厨一定系唔识西餐。连中餐都做得衰过茶记。我觉得佢哋唔重视餐饮业务。员工倒也很友善。