鐵餅號

营业中

休息中

首先讲下麻薯本身，麻薯真系好正。烟烟韧韧。加系大部分甜品都好正。经过non standardised RCT，证明呢个理论系岩！作为最后一日嘅晚餐，我同友人叫咗芝士鸡蛋仔加麻薯。本身觉得芝士同麻薯有d格格不入，因为见通常都配朱古力、绿茶味。估唔到芝士同麻薯都好夹，鸡蛋仔满有芝士咸香，再配以麻薯，不错。但一大缺点系鸡蛋仔太淋！鸡蛋仔系即叫即制，制作完后就真接放落袋，冇吹凉一阵先。即使我地点样等鸡蛋仔凉d，系袋到鸡蛋仔嘅热力都冇法散，最后变到好淋。如果脆返d，相信好味好多（会有5粒星星），不竟鸡蛋仔嘅秘诀系外脆内软。由于太口渴，都买咗一支自家制嘅山楂苹果茶。味道清新，勾起细个食山楂饼嘅味道。最后，讲下位置，虽然系有dd难揾，但如果真系好钟意烟韧口感，都不妨可以嚟朝圣，因为好多产品都可以加麻薯，例如飞碟。从大三巴行过嚟都唔耐。