影片
更多
2023-01-31
3420 浏览
事隔3 年， 终于通番关又唔洗隔离 可以过大海啦❣️ 自从名店「陶陶居」 系2019 年结业后， 我等左3 年几先可以黎到据称系原班人马主理、位于氹仔大中华广场既金悦轩！ 招牌烧鹅（例） MOP108 例牌份量唔算多， 上菜都有用烛台热住， 烧鹅皮脆，略嫌偏肥， 但瘦肉既位都嫩滑唔会干实。 我食烧鹅，最期待系揭起底下究竟有冇可遇不可求既甜黄豆， 今次有好多，可惜觉得唔够甜， 豆都煮得偏淋唔够烟韧。 鲜虾金钱蟹盒(只）MOP 25经典名物，传统上蟹盒皮用薄切肥猪膏造，咬落非常轻脆，比薯片薄 比猪肉纸多份温度同油香 。 馅料有虾仁、猪肉、葱粒、蟹膏。 蟹味唔出、 食成个可能会有啲油，要多配喼汁。 砂锅花胶响螺汤（例） MOP 368 例牌份量有4 碗 ，系今餐算最贵一道菜。 不过谂落我地冇叫鱼翅 （约MOP 1300 左右） ，但鱼翅嘅汤其实同呢碗汤差唔多味道，就觉得饮汤都系一个节衷既食法！碗汤有两块好厚好大好淋既花胶 ， 唔会腥/硬。 奶油色既汤好浓厚鲜甜，亦因为花胶嘅关系会有少少黏，饮一碗都几饱足。 脆皮美国牛肩肉 （半例，4件） MOP 75🌟是日亮点🌟 牛肩肉纹理清晰， 唔觉得有用
事隔3 年， 终于通番关又唔洗隔离 可以过大海啦❣️ 自从名店「陶陶居」 系2019 年结业后， 我等左3 年几先可以黎到据称系原班人马主理、位于氹仔大中华广场既金悦轩！
烧鹅
89 浏览
0 赞好
0 留言
例牌份量唔算多， 上菜都有用烛台热住， 烧鹅皮脆，略嫌偏肥， 但瘦肉既位都嫩滑唔会干实。 我食烧鹅，最期待系揭起底下究竟有冇可遇不可求既甜黄豆， 今次有好多，可惜觉得唔够甜， 豆都煮得偏淋唔够烟韧。
鲜虾金钱蟹盒
104 浏览
0 赞好
0 留言
经典名物，传统上蟹盒皮用薄切肥猪膏造，咬落非常轻脆，比薯片薄 比猪肉纸多份温度同油香 。 馅料有虾仁、猪肉、葱粒、蟹膏。 蟹味唔出、 食成个可能会有啲油，要多配喼汁。
砂锅花胶响螺汤
111 浏览
0 赞好
0 留言
例牌份量有4 碗 ，系今餐算最贵一道菜。 不过谂落我地冇叫鱼翅 （约MOP 1300 左右） ，但鱼翅嘅汤其实同呢碗汤差唔多味道，就觉得饮汤都系一个节衷既食法！碗汤有两块好厚好大好淋既花胶 ， 唔会腥/硬。 奶油色既汤好浓厚鲜甜，亦因为花胶嘅关系会有少少黏，饮一碗都几饱足。
脆皮美国牛肩肉
74 浏览
0 赞好
0 留言
脆皮美国牛肩肉
77 浏览
2 赞好
0 留言
🌟是日亮点🌟 牛肩肉纹理清晰， 唔觉得有用梳打粉处理，但都非常软滑， 冇牙力都食到 ，我地都以为食紧牛腩，但又唔肥， 用呢个部位好好。 粉浆薄脆， 味道主动靠汁酱带出。 基本上冇乜瑕疵嘅一道菜， 下次会叫大碟啲！
鲍汁虾籽扣柚皮
81 浏览
0 赞好
0 留言
每次都好珍惜有得食柚皮呢道功夫菜既机会。 柚皮几大块 ， 好似锯扒咁 😂 冇纤维冇苦涩味，虾籽鲍汁味道均衡，但柚皮中间唔算好入味。
驰名沙溪扣肉
71 浏览
0 赞好
0 留言
一开盖 甜梅菜香气四溢 五花腩油脂同瘦肉层层交替 油脂入口即溶 瘦肉既位都唔会柴 。 梅菜吸收猪油变得甘润 甜味同爽感都减低左扣肉既肥腻 送饭一流。 虽然邪恶，但绝对「肥有所值」 ！
金悦壹品炒饭
86 浏览
0 赞好
0 留言
金黄色 干身 饭粒分明 每粒饭都均匀地沾到蛋汁 做到「金包银」材料有叉烧 菜远 虾仁 都足料
砂窝香葱豉油文昌鸡
77 浏览
0 赞好
0 留言
开盖再淋上浓稠既豉油汁 豉油好香 鸡肉嫩滑 但份量唔多 如果差唔多价钱 会宁愿试 脆皮牛肩肉/ 沙溪扣肉！
翅汤煲淋津白
91 浏览
0 赞好
0 留言
上到菜先醒起同碗汤有啲重覆 津白甜 软硬适中 汤底比响螺汤清啲稀啲 但用黎煮菜可能比较夹
横财添就手
64 浏览
0 赞好
0 留言
成餐晏叫左唯一一个点心，纯粹应吓节😂 猪手冇毛， 都软淋入味
我地帮衬当日系星期日中午， 冇订到位， 等左一个钟头有多先入到座🥹 建议各位真系要提前订位。环境方面， 饭枱间唔算宽敞， 但厕所比旧铺多格数多好多，亦好干净。用膳体验： 开头见到啲餐具有黑点， 有啲失望 。 不过，我地午市去 ， 就算主要叫小菜唔系点心， 但上菜速度都非常快👍🏻 而且食物keep 到陶陶居既水准！ 4 个人叫左8 𩠌1 汤1 饭， 都唔洗$400 / 位， 个个食完都好满意， 推介！
张贴
