榮記荳腐麵食

营业中

休息中

第二天离开酒店后我哋并没有即时回港，而系继续吃喝玩乐至夜晚，而且车爸爸仲过来澳门会合我们一齐去happy呢，车爸爸还未吃午餐我哋就过了氹仔百老汇大街揾吃噜！找了这间荣记豆腐面食，听清丽村姑讲都几好味㗎，咁我哋就食呢个啦，啱晒刚整完牙的车爸爸喔！其实佢同车仔面系冇咩分别，不过会多咗香滑豆腐在内啰。冻豆腐花$18豆味都算足够，而且质感都好滑溜呀，不过有DD少贵啰！冻豆浆$15同样香滑有豆香，不过我饮到有少少㶶味！！另外车爸爸点了全餐$68(小)， 𩠌料比系香港吃到的比较大件。内有豆腐，鱼旦，水鱿，猪红，薯仔同埋鲮鱼肉十分丰富，浸住𩠌料系一些类似蚝油酱汁，香味唔算太浓烈但系好天然，而且味道都十分清新好吃，当中我较欣赏水鱿咸鲜味浓，又够淋身，另一样系鲮鱼肉吃得出那份新鲜的鱼香，最重要系冇连皮打成，所以没带半点腥味，质感烟韧富咬口。