影片
更多
2011-02-21
445 浏览
我既high tea热从未减退过，因为从未找到值得欣赏既high tea！！！其实令人满意既high tea系点呢？ 以我个人而言，食落肚既high tea点心系最重要！Scone要香~松~软~咸甜点要精致新颖，一set high tea要有80%既点心系好味。此外，high tea用既teaware要靓，杯茶要"水滚茶靓"，环境要衬返食野既心情，high tea wow.. 所以坐既地方要舒适，令人relax。服务方面，唔系最重要，令人舒服就可以了。是日系平日，由香港过澳门，从威尼斯人行到四季，都未见人山人海。餐厅坐落四季酒店DFS附近既当眼处，不难就被发现。到餐厅门口一见，60%既枱都无人坐，好快就找到个舒适既角落，安顿落黎。就坐既角落由一张长沙发同四张一坐位沙发 & 茶几组成。呢个角落既好处，先系近窗，既可欣赏窗外美境，又够开扬，令人有心矿神怡之感。相对地，角落较隐蔽较难取得服务员既注意，亦未知是否平日，店面只有3名服务员。大既几分钟后，我俩终被发现，服务员好细心同面带亲切既笑容为我俩落order，为我地既high tea作个好既开始。 未几，高贵feel既teaware，满载我
是日系平日，由香港过澳门，从威尼斯人行到四季，都未见人山人海。餐厅坐落四季酒店DFS附近既当眼处，不难就被发现。到餐厅门口一见，60%既枱都无人坐，好快就找到个舒适既角落，安顿落黎。就坐既角落由一张长沙发同四张一坐位沙发 & 茶几组成。呢个角落既好处，先系近窗，既可欣赏窗外美境，又够开扬，令人有心矿神怡之感。相对地，角落较隐蔽较难取得服务员既注意，亦未知是否平日，店面只有3名服务员。大既几分钟后，我俩终被发现，服务员好细心同面带亲切既笑容为我俩落order，为我地既high tea作个好既开始。 未几，高贵feel既teaware，满载我俩点既earl grey tea。
Earl Grey tea：唔够香得令人有点失望，因twinings茶包还比较香！ high tea set：high tea set上计埋scone有9样点心。由底层既咸点到顶层既scone，各样点心包括，底层：他他酱虾多士、三文鱼卷、蕃茄冻、pama ham餐包，中层：芒果挞、朱古力挞、红蓝梅macaron、鲜士多啤梨乳酪，顶层：scone。
底层既咸点比较稳阵，其中以他他酱虾多士最为突出。虾好爽，仲加入芒果衬托，好match！而且底既多士即使铺左他他酱，留到最后先食都一样咁脆身！蕃茄冻系由香浓既蕃茄加上不知名既汁料而制成，份量少少，令人回味。三文鱼卷同pama ham餐包则比较逊色，三文鱼卷既卷层过厚，三文鱼份量较少；而pama ham餐包既包唔够香软，宁可用pama ham包住哈蜜瓜。中层既甜点好精致，亦系大路选择！当中以芒果挞同红蓝梅macaron最为吸引。芒果挞由两部份组成，分别为上面既芒果mousse同下面既曲奇组成。芒果mousse好香甜，内藏一粒芒果肉，加上下面既柠檬夹心曲奇，每一啖都好有层次！而红蓝梅macaron，摆脱一般macaron甜到漏既做法，在macaron中间放弃用超甜cream，而用鲜红梅同蓝梅做夹心！好fresh既口味同尝试。较为稳阵既朱古力挞亦见精致，挞好松脆，朱古力mousse中夹入唔过甜既拖肥mousse，mousse整体有食紧truffle朱古力既感觉。而鲜士多啤梨乳酪，较为流质，每口都有士多啤梨，乳酪唔过酸。
顶层：scone几松软，有好大粒既提子干在中；惟配scone既cream同jam较为逊色，未能承接下面两层既惊喜，有少少可惜！
总括而言：餐厅坐拥地利位置，供游客shopping够，有一处舒服既地方歇歇脚。加上环境清幽舒适、high tea set既食物高质素、尚算贴心既服务，各方面都令人觉得比$210 + 10% charge既价钱high tea系好值得！同有encore既决定！！
张贴
