影片
更多
2024-06-19
670 浏览
嚟澳门玩好想食正宗嘅葡国菜，坐的士嘅时候的士司机就推荐我哋去呢间福龙。听讲平时都好多人可能要订枱，我哋无为意就直接walkin去食，𠮶时大约五点九未到六点，佢就要求我哋七点半前要还枱。建议大家如果热门时段想去食都系要订咗位先会好啲。去到我哋一共食咗五样𩠌：葡国腊肠炒菜、马介休球、非洲鸡、葡式煎鱼柳同埋秘制咖喱蟹。炒菜同平时蒜蓉炒菜差唔多，葡国腊肠系pepperoni，有少少酸酸哋咸咸哋，我都系钟意中式腊肠多啲。马介休球就系我要求要点嘅，因为我好钟意咸鱼同薯仔，我觉得佢炸皮好薄，食落每啖都系薯仔好满足。不过食食吓觉得有少少鲮鱼球嘅味道，可能对某啲人嚟讲会偏腥？但我就好钟意食。非洲鸡就系见佢唔系喺常设menu就点咗嚟食，一上枱睇落干干哋鞋鞋哋无咩期待，点知食落好juicy，个汁好惹味，捞饭一流。份量得五嚿，唔够分啊。葡式煎鱼柳就普通，份量都唔算多嘅，胜在个鱼煎得好香脆又唔怕有骨。秘制咖喱蟹就真系大力推荐，我唔食蟹嘅因为整到成手污糟晒又好难剥肉。不过佢哋好贴心有比埋手套，钳，湿纸巾同洗手水。如果唔系见佢哋咁有准备我都唔会落手食。佢蟹钳其实都已经有剪开比你，食起上嚟难度唔算高，唔识食都搣到啲肉
听讲平时都好多人可能要订枱，我哋无为意就直接walkin去食，𠮶时大约五点九未到六点，佢就要求我哋七点半前要还枱。
建议大家如果热门时段想去食都系要订咗位先会好啲。
去到我哋一共食咗五样𩠌：葡国腊肠炒菜、马介休球、非洲鸡、葡式煎鱼柳同埋秘制咖喱蟹。
炒菜同平时蒜蓉炒菜差唔多，葡国腊肠系pepperoni，有少少酸酸哋咸咸哋，我都系钟意中式腊肠多啲。
马介休球就系我要求要点嘅，因为我好钟意咸鱼同薯仔，我觉得佢炸皮好薄，食落每啖都系薯仔好满足。不过食食吓觉得有少少鲮鱼球嘅味道，可能对某啲人嚟讲会偏腥？但我就好钟意食。
非洲鸡就系见佢唔系喺常设menu就点咗嚟食，一上枱睇落干干哋鞋鞋哋无咩期待，点知食落好juicy，个汁好惹味，捞饭一流。份量得五嚿，唔够分啊。
葡式煎鱼柳就普通，份量都唔算多嘅，胜在个鱼煎得好香脆又唔怕有骨。
秘制咖喱蟹就真系大力推荐，我唔食蟹嘅因为整到成手污糟晒又好难剥肉。不过佢哋好贴心有比埋手套，钳，湿纸巾同洗手水。如果唔系见佢哋咁有准备我都唔会落手食。佢蟹钳其实都已经有剪开比你，食起上嚟难度唔算高，唔识食都搣到啲肉有食干净个钳，系要小心碎壳。
个咖喱好惹味，我食唔到好辣但都接受到呢个辣度唔会话要系咁饮水。除咗蟹入面仲有啲蛋丝同埋洋葱，洋葱我真系食唔停口，爽爽哋又可以食到咖喱汁，大满足。如果餐前送嘅餐包留到呢个moment点咖喱食一定好正。
佢送嘅餐包都好好食，暖暖哋，都紥实，就要食同点汤都好味。汤就系杂菜薯仔汤，薯仔存在感好重，每啖都食到少少薯蓉嘅感觉。
总括而言，每样都唔错，不过份量偏少，同埋偏咸，可能要叫多两个饭嚟送会好少少。
马介休球
56 浏览
0 赞好
0 留言
非洲鸡
121 浏览
0 赞好
0 留言
秘制咖喱蟹
272 浏览
0 赞好
0 留言
张贴
