影片
更多
2010-02-22
598 浏览
今日系年初四, 我地一家三口过黎澳门一天游, 谂住可以烧烟花嘛我地买左中旅套票, 每人$534, 包来回TURBO JET船票+旅游塔观光层入场券(包58楼观光主层及61楼室外观光廊)+360 CAFE DINNER BUFFET, 百厌仔食BUFFET唔使钱, 只系买船票便可 我地因为揾唔到车(抢唔到taxi)去旅游塔, 所以上埋塔参观, 去到360 CAFE都已经19:30喇, 估唔到都有窗口位比我地, 哗! 个景真系好靓呀, 对开仲有人烧烟花, 超靓!讲番D野食都唔错, 款式都够多, 要求唔高o既话, 真系可以食得好饱即灼大头虾好鲜甜冻海鲜有翡翠螺, 青口, 虾同埋扇贝, D翡翠螺真系好大只, 其他都唔错刺身得三款比较少--八爪鱼, 三文鱼同吞拿鱼, 但都几新鲜热盘都好多选择-葡国鸡, 柳鱼, 即渌粉面, 印式炒饭, 马介休薯球, 猪脾肉, 白汁焗薯片, 白汁会海鲜, 仲有个新年菜-发财好市大利......都几好食甜品有蛋糕, 焦糖布甸, 木糠布甸, 葡挞仔, 窝夫, JELLY, 雪糕, 生果....仲有朱古力喷泉添D侍应都好NICE, 一埋位就主动攞张BB椅比百厌仔, 又会主
我地买左中旅套票, 每人$534, 包来回TURBO JET船票+旅游塔观光层入场券(包58楼观光主层及61楼室外观光廊)+360 CAFE DINNER BUFFET, 百厌仔食BUFFET唔使钱, 只系买船票便可
我地因为揾唔到车(抢唔到taxi)去旅游塔, 所以上埋塔参观, 去到360 CAFE都已经19:30喇, 估唔到都有窗口位比我地, 哗! 个景真系好靓呀, 对开仲有人烧烟花, 超靓!
讲番D野食都唔错, 款式都够多, 要求唔高o既话, 真系可以食得好饱
即灼大头虾好鲜甜
冻海鲜有翡翠螺, 青口, 虾同埋扇贝, D翡翠螺真系好大只, 其他都唔错
刺身得三款比较少--八爪鱼, 三文鱼同吞拿鱼, 但都几新鲜
热盘都好多选择-葡国鸡, 柳鱼, 即渌粉面, 印式炒饭, 马介休薯球, 猪脾肉, 白汁焗薯片, 白汁会海鲜, 仲有个新年菜-发财好市大利......都几好食
甜品有蛋糕, 焦糖布甸, 木糠布甸, 葡挞仔, 窝夫, JELLY, 雪糕, 生果....仲有朱古力喷泉添
D侍应都好NICE, 一埋位就主动攞张BB椅比百厌仔, 又会主动收碟, 又会撩百厌仔玩
其实初时睇过OPENRICE其他人对360 CAFE o既食评真系唔敢有期望, 甚至有d后悔买左票黎食BUFFET, 但去金沙, 葡京果D食BUFFET, 百厌仔又唔入得.
第一次黎个感觉都几好, 个餐厅会旋转, 真系几特别. 虽然浪漫欠奉 (有百厌仔又何来会浪漫吖), 但以$534.00呢个价钱, 减番来回船票134+176, 仲要减埋$100.00上塔费, 个BUFFET 只系$124.00咋, 仲要系年初四, 仲想点吖, 所以我觉得系物有所值o既!
张贴
