帝影樓

营业中

休息中

上次提及新濠峰住宿套餐，入住当晚会提供「帝影楼」套餐作为晚餐，终于有机会试下米芝莲一星餐厅系咩味道。住酒店客人可以房间出来后的升降机落餐厅，如果系平时食饭客人可以系餐厅大楼专用电梯直达到。.⭐️帝影楼至尊套餐（二人）烧味双拼是日老火例汤老醋软焖黑蒜牛肉豉汁龙趸蒸豆腐上汤浸时蔬虾头酱海鲜炒饭杨枝甘露双皮奶.烧味双拼有鸡同乳猪，两款肉质嫩滑，乳猪皮脆卜卜，牛肉粒焖到够软，龙趸蒸豆腐可能同其他两款共同上菜，龙趸肉放凉左少少，令本来唔钟意鱼既我觉得有啲同豆腐唔夹。而海鲜炒饭真心要大赞，每啖食到虾肉粒蟹肉，炒到粒粒分明，味道亦香口，甜品杨枝甘露双皮奶，我平时无食过咁既配搭，原来又几夹，至于餐前及饭后甜点系附送，配搭味道系走特别风格，我印象最深刻系绿色青瓜味啫喱😂。环境服务各方面相当可以，餐点亦算好味，唯独套餐每款份量够一人一两件，味道只能浅尝，但唔好睇份量精致，两个人饱到不得了！.餐厅有主要一片用餐区，仲有几间私人包厢同半开放包厢，用餐环境相当有feel，基本上用餐区中可以透过落地玻璃窗睇到澳门风景，建议差不多6点半入座，可以将蓝天白云到日落黄昏景色同时收入眼帘，成餐晚餐心情都愉快啲。