正牌車厘哥夫

营业中

休息中

点解有包纽结糖食，都喺为食嘅食友所赠，去完澳门，就晌氹仔买嚟依小包纽结糖俾我。因为先后收到好几包嚟自唔同店舖嘅纽结糖，所以就一次过写晒4篇食评，名为「联朋结糖」（一）、（二）、（三）、（四） ，唔喺要做咩比较，只喺藉文多谢食友一番心意啫 。之前已从另一食友收到一包「老牌」车厘哥夫嘅低糖纽结糖，正当以为又收到同样手信之时，发觉店名有颇大分别，包装袋上写住「正牌」车厘哥夫，仲要标明「凌师傅首创」，有埋佢张唛头相 。其实「老牌」vs「正牌」，小弟唔知边间好啲、边间出名啲，亦无心去考究，因为饮食世界，各有独门秘技；况且，就算同一样嘢食，有人觉得好好食，亦有人觉得好难食，口味嘅嘢始终好个人啰。正牌车厘哥夫嘅，都喺一包4粒，每粒独立包装，成份有花生、砂糖、牛油、奶粉、蛋白、液体葡萄糖，基本上跟老牌车厘哥夫嘅一样，在乎比重份量。色泽偏白，但就无咁𪨷巉，质感都喺硬脆有奶香，不过最大分别喺花生粒劲多 。后尾再上佢哋个网址，发觉原来仲有好多款口味，如低糖低卡纽结糖、朱古力脆卜米纽结糖、菠萝纽结糖、芒果纽结糖、椰子纽结糖、橙子纽结糖……等等 ，仲有一款叫西杏纽结糖，喺以美国杏仁取代花生，相信更香脆