影片
更多
2023-09-27
923 浏览
今日有机会去澳门美狮美高梅酒店试下酒店入面既米芝莲一星餐厅 - 蜀道。餐厅位于酒店大堂地下，门口设计特别，非常之有传统气息。餐厅6点先开门，但门口特登设有一个茶廊，客人早到嘅话可以系茶廊品尝功夫茶同各种特色茶制酒酿。不过我因为太肚饿嘅缘故，亦都冇去茶廊品茶，下次一定要试吓入门口经过茶廊之后就系餐厅内部，装修非常之有特色同优雅，好似去咗仙境一样。店员安排咗一个角落俾我哋两位，之后就简单介绍餐厅嘅特色、主厨嘅背景& 主打菜式。其实单凭装修，就知道餐厅定位系高级川菜。店员表示主厨有超过三十年经验，主打民国时期系成都公馆大宅内，名流权贵既川式府邸宴会佳肴体验，因此讲求名贵食材、精细技艺同烹调技巧。呢度嘅菜式非常之特别，而且种类繁多，同普通食开嘅四川菜好唔同。经过店员细心嘅介绍，我哋点咗餐厅内比较有特色，而又钟意嘅菜式。店员亦都极力推介佢哋餐厅嘅茶，同出边嘅唔同，亦都用上古代专门饮茶嘅杯，四种颜色分开春夏秋冬。最后我叫左黑枸杞菊花茶，味道清香，亦可以去油腻。餐前小食：带子 - 不过不失，带子尚算鲜甜配菜：自家制香麻花生 - 入口唔会好辣，有少少麻辣味，唔算太咸，香口嘅花生令人一而再想食之后终于到
入门口经过茶廊之后就系餐厅内部，装修非常之有特色同优雅，好似去咗仙境一样。店员安排咗一个角落俾我哋两位，之后就简单介绍餐厅嘅特色、主厨嘅背景& 主打菜式。
其实单凭装修，就知道餐厅定位系高级川菜。店员表示主厨有超过三十年经验，主打民国时期系成都公馆大宅内，名流权贵既川式府邸宴会佳肴体验，因此讲求名贵食材、精细技艺同烹调技巧。
呢度嘅菜式非常之特别，而且种类繁多，同普通食开嘅四川菜好唔同。经过店员细心嘅介绍，我哋点咗餐厅内比较有特色，而又钟意嘅菜式。店员亦都极力推介佢哋餐厅嘅茶，同出边嘅唔同，亦都用上古代专门饮茶嘅杯，四种颜色分开春夏秋冬。最后我叫左黑枸杞菊花茶，味道清香，亦可以去油腻。
餐前小食：带子 - 不过不失，带子尚算鲜甜
配菜：自家制香麻花生 - 入口唔会好辣，有少少麻辣味，唔算太咸，香口嘅花生令人一而再想食
之后终于到今日点嘅主菜：
老传统夫妻肺片
120 浏览
0 赞好
0 留言
老传统夫妻肺片：餐厅用左优质既牛腱肉、金钱肚、牛舌，切至非常薄，再配以自家制嘅辣椒酱同花椒油，再洒上花生。整个菜式口感丰富，辣香味浓郁，带有微妙嘅麻辣风味
四川醉蟹
94 浏览
0 赞好
0 留言
四川醉蟹：店员介绍系四川地区特色菜之一，食材就用咗水蟹。同一般餐厅唔同嘅系，呢度系用熟醉嘅方式烹调，先将蟹蒸熟，再用四川五粮液、特有嘅辣椒、花椒等调味料泡浸全只蟹，所以蟹嘅每一啖肉，都吸收咗各种嘅调味料，肉质嫩滑鲜味，十分推介
四川煳辣炒龙趸
91 浏览
0 赞好
0 留言
四川煳辣炒龙趸 - 餐厅必食菜之一 亦系米芝莲套餐入边嘅其中一道菜，店员极力推介。通常四川菜入边就系用水煮嘅方式，好少听到有煳炒。呢道菜同辣子鸡嘅做法有啲相似，餐厅先将龙趸球炸起，再同四川大红袍干辣椒同花椒一齐炒。入口外酥内嫩，亦都越食越辣。因此餐厅亦准备咗特制饮品古道清风 - 用百香果、青柠、菠萝，特制而成嘅解辣饮品。
值得一提嘅系，因为餐厅位于大湾区，因此食材亦因此有调整，呢度菜式用嘅系花尾龙趸，肉质亦特别鲜嫩
锅贴豆腐
82 浏览
0 赞好
0 留言
锅贴豆腐 - 总厨推介菜式
呢道菜绝对系一个工序繁多既手工官府菜，用鸡胸肉同豆腐一起做，做完以后将佢还原成豆腐，再放入锅入面煎。入口焦香酥脆，卖相亦都一流，好似麻雀🀄️入边嘅一索一样
74 浏览
0 赞好
0 留言
麻婆豆腐 - 同一般麻婆豆腐做法有少许不一样，就系豆腐有卤过。因此每一粒豆腐都好入味得黎又唔太咸，送白饭一流
红糖糍粑
115 浏览
0 赞好
0 留言
甜品红糖糍粑 - 成都特色小食，表面炸至金黄色加上红糖，入口松脆但内里烟韧。配合红糖一齐食，清润解辣。
总括嚟讲，今日嘅体验非常唔错，餐厅嘅服务也非常出色，店员会详细解释每道菜既特色同食用方法👍🏼 仲推介我哋下一次试吓佢嘅水煮菜式，睇嚟要谂吓几时book下一次
张贴
