小飛象葡國餐廳

营业中

休息中

成日听人讲小飞象葡国餐厅好食，这天跟男友到澳门玩，去试吓都好。晚上8点几去到，好多人在楼梯等，我上到去耍2位枱，佢话有枱，唔使等，正！可能等紧的人系等大枱。我地见有好多套餐，但D组合都好普通，男友说要散叫，本来葡国乳猪几好，但要预订。我们改叫其他，主要食肉。炭烧沙甸鱼 - 几香，原汁原味！烧牛肋骨 - 肉质相当嫩滑 蒜蓉焗青口 - OK 啦 烧鱿鱼 - 几爽口 葡式炒杂菜 - 一般菜式 红酒烩牛脷 - 够腍 西冷牛扒 - 过熟，味道一般 烧羊鞍 - 羊肉好Juicy, 唔膻，好食过牛扒 个女待应见我地叫了咗咁多野，话怕我地食唔晒，未见过待应咁老实。佢仲介绍我地叫支红酒，我见一支750ml都系150蚊，唔算贵。不过惊饮唔晒，佢话我地可以攞走，仲无帮我地开烂个樽塞，真好人。一边饮酒一边食肉，真系好正，仲好夹。最后我地都饮完成支酒，晕晕地搭的士返酒店。埋单找数六佰几，都算合理。