御膳房 (已結業)

其实好怕写钟意既餐廰，因为怕会愈黎愈多人去，不过今次本人觉得真系好抵食，所以点都要推介下。今次一行四人，连埋我两位仔仔，早早订定位食午餐。系凯悦交房之后行过去唔算好远，上到去感觉风景一般，不过冇乜星级餐厅既拘紧感觉，同经理倾下原来都系香港过黎，有亲切感。打开餐牌一睇三道菜$180，四道菜$220。哗! 系香港五星酒店餐廰郁下都五六百落楼，呢度平过半价，真系揾度揾呀！平唔系最重要，最紧要味道丫嘛！首先黎小食，脆脆地几开胃，面包都唔错，加分！跟住仔仔同我既两度前菜，不过我麻麻地意大利米，觉得仔仔既好味D。主菜有三样，当然叫齐晒，阿仔好，而我钟意食羊，老婆就食鱼。阿仔既鹅肝焗肉酱我冇食到，不过$220有埋鹅肝，真系超平。但睇落就有少少灟。至于我既羊肉三重奏又嫩又唔苏，同我系8 1/2食差不多，不过钱就争几倍。最后老婆碟鱼OK喇！食到呢度都饱饱地，跟住甜品，三母子要雪糕心太软，我见冇乜特别试新野，香港经理推介新甜品，旁边脆果仁等加中间芒果泡沬，好食到不得了，超钟意，经理冇介绍错。呢度最贵既相信系汽水，成$60蚊杯，同香港差唔多，不过整体黎讲算超抵食，强烈推介。