影片
更多
2012-06-15
457 浏览
因为BB唔驶打GOLF，所以可以早啲出发 ；又因为我系蛳蚶怪，所以选择咗哩间作为到埗后第一间叹既食肆。去到六点松啲，尚有一张六人枱靠近门口，唔驶等就有得坐。 我同BB当然唔会傻到大热天时走去嗌个猪骨煲热斗热啦。结果除咗招牌菜蛳蚶，我地仲叫咗豉椒丁螺，同埋事头婆推介的烧乳鸽。蛳蚶先嚟，每只都有一个半五蚊银咁大，大厨灼至全熟，不似香港的血淋淋；但肉质KEEP住爽口弹牙而且蛳蚶味浓，食落去每啖都好似食紧日本寿司店的靓赤贝刺身咁，但佢一碟既价钱等于日本餐厅一只既价钱，蛳蚶爱好者必食！ 伴碟的泰式辣酱太辣，我唔食得辣斋点豉油，下次叫佢俾埋WASABI就仲正～～ 再嚟就系丁螺，豉椒炒，配料足所以好辣，啲螺仔吸晒啲汁结果我哩啲完全唔食辣既人食唔得多，益咗BB～～最后上既系乳鸽，一开四，无椒盐同喼汁醋伴碟。我本嚟系个钟意食完一样𩠌先食另一样𩠌既人，但只乳鸽一上枱，香到我哩个蛳蚶怪忍唔住未食完只蛳蚶就已经用手攞起咗一旧嚟食。一咬落去发觉：错晒！！ 平时啲乳鸽总要蘸盐又要蘸喼汁，即使好味如沙田龙华都要点少少果汁醋吊味啦。但点解哩只鸽可以做到皮脆肉嫩丰满多汁，够晒味道之余仲隐约食到少少喼汁味，
去到六点松啲，尚有一张六人枱靠近门口，唔驶等就有得坐。
我同BB当然唔会傻到大热天时走去嗌个猪骨煲热斗热啦。结果除咗招牌菜蛳蚶，我地仲叫咗豉椒丁螺，同埋事头婆推介的烧乳鸽。
蛳蚶先嚟，每只都有一个半五蚊银咁大，大厨灼至全熟，不似香港的血淋淋；但肉质KEEP住爽口弹牙而且蛳蚶味浓，食落去每啖都好似食紧日本寿司店的靓赤贝刺身咁，但佢一碟既价钱等于日本餐厅一只既价钱，蛳蚶爱好者必食！ 伴碟的泰式辣酱太辣，我唔食得辣斋点豉油，下次叫佢俾埋WASABI就仲正～～
再嚟就系丁螺，豉椒炒，配料足所以好辣，啲螺仔吸晒啲汁结果我哩啲完全唔食辣既人食唔得多，益咗BB～～最后上既系乳鸽，一开四，无椒盐同喼汁醋伴碟。我本嚟系个钟意食完一样𩠌先食另一样𩠌既人，但只乳鸽一上枱，香到我哩个蛳蚶怪忍唔住未食完只蛳蚶就已经用手攞起咗一旧嚟食。一咬落去发觉：错晒！！ 平时啲乳鸽总要蘸盐又要蘸喼汁，即使好味如沙田龙华都要点少少果汁醋吊味啦。但点解哩只鸽可以做到皮脆肉嫩丰满多汁，够晒味道之余仲隐约食到少少喼汁味，真系咩都唔驶蘸，平时食𠮶啲仲唔系错晒？！！
可惜蛳蚶同丁螺都大大碟，两个人食都要打包，冇得再追加多只乳鸽，唯有期待下次～～
今次正值休鱼期，冇濑尿虾，下次下次！！
本嚟仲有啲小菜如九肚鱼想试，但BB担心食唔晒，下次下次！！
依家天口未够冻，不宜试骨煲住，下次下次！！！
张贴
