李康記豆腐花 (已結業)

上次黎澳门试左《荣记》，今次就试《李康记》啦！澳门出名既2大豆腐花！咁就试晒啦！《李康记》都系新马路附近，其实去都算方便既！而门口就用一个用红色字既霓虹光管牌仔，细心D留意都容易揾到既！装修就好怀旧，仲用紧不锈钢柜呀，枱呀，有一番风味既！我地今次黎到叫左一碗细既热豆腐花些牙！碗豆腐花白雪雪，一望就知好滑！，我地食豆腐花好少会加糖，都有D奇怪点解冇问我地要唔要糖⋯原来佢帮我地加左姜糖水嫁啦！评分系 4星就豆腐花而言，佢系我地食过咁多间（包括香港），最滑既果间，滑到真系入口即融，溜入喉咙嫁！佢又唔会好散㖞！好完整嫁！系口感果方面，呢间真系爆分！之但系呢⋯⋯个豆腐花就冇乜豆味啰！加左既姜糖糖水，就甜甜地既，好够姜！弥补番佢唔够豆味既豆腐花！所以整体黎讲⋯都有4星，系正评既！如果好钟意食滑溜既豆腐花，呢间就值得推介#李康记texture比荣记好#滑溜#但不是我们杯茶