影片
更多
2009-02-21
56 浏览
补返1月7日所吃过既一餐既食评我第一次去澳门，之前亦从未食过葡国菜。今次同女朋友去澳门玩3日2夜。第3日临走前既LUNCH，决定去内港食返餐葡国菜，作为行程既压轴节目。因为非公众假期以及非繁忙时间，所以我地一开门入到去，到食完走人，全程都系得我同女朋友两位顾客，对于未去过呢啲地方食嘢既我地嚟讲，呢度环境好靓.......全程都播住音乐(好记得Eagles既Hotel California)，对于平时钟意听音乐既我嚟讲，印象分亦大增。食物方面，我地两个人一共叫咗五样嘢，分别系焗鸭饭、忌廉焗马介休、芝士焗青口、海鲜汤以及白雪金沙......首先嚟海鲜汤、芝士酿青口。个汤咸咸地，我就唔算好钟意，但可以接受。至于芝士焗青口，哗﹗系我食过最好食既﹗一共6只，我要咗4只；换言之，平时见到青口都乸埋口面既女朋友，都食咗2只﹗焗鸭饭......表面三块血红色既葡国腊肠，再加上铺满芝士粉既饭.....入面仲啖啖鸭肉......腊肠好香.......个饭最上面𠮶度焦焦地，配埋啲芝士粉，.好香，鸭肉淡淡地，夹埋饭一齐食，刚好可以中和一下。good~唯一要挑剔既.......系对大食既我而言.......份量
我第一次去澳门，之前亦从未食过葡国菜。今次同女朋友去澳门玩3日2夜。第3日临走前既LUNCH，决定去内港食返餐葡国菜，作为行程既压轴节目。
因为非公众假期以及非繁忙时间，所以我地一开门入到去，到食完走人，全程都系得我同女朋友两位顾客，对于未去过呢啲地方食嘢既我地嚟讲，呢度环境好靓.......全程都播住音乐(好记得Eagles既Hotel California)，对于平时钟意听音乐既我嚟讲，印象分亦大增。
食物方面，我地两个人一共叫咗五样嘢，分别系焗鸭饭、忌廉焗马介休、芝士焗青口、海鲜汤以及白雪金沙......
首先嚟海鲜汤、芝士酿青口。个汤咸咸地，我就唔算好钟意，但可以接受。至于芝士焗青口，哗﹗系我食过最好食既﹗一共6只，我要咗4只；换言之，平时见到青口都乸埋口面既女朋友，都食咗2只﹗
焗鸭饭......表面三块血红色既葡国腊肠，再加上铺满芝士粉既饭.....入面仲啖啖鸭肉......腊肠好香.......个饭最上面𠮶度焦焦地，配埋啲芝士粉，.好香，鸭肉淡淡地，夹埋饭一齐食，刚好可以中和一下。good~唯一要挑剔既.......系对大食既我而言.......份量唔够﹗
至于忌廉焗马介休.......呢道菜，真系可以话系我有生以来，食过最好食既嘢之一﹗马介休原来唔系我地预期中既"咸鱼"味，夹埋忌廉一齐焗.......𠮶种香浓既味道.......我女朋友唔钟意食浓味食物，但都赞不绝口，系呢一餐最好食既一碟﹗推介﹗﹗﹗﹗﹗﹗﹗﹗
最后一道白雪金沙，整得都几精致，味道甜而不腻，口感香滑，值得一试。
而外值得一提系个服务。或者系因为得我地两个人......老板对我地非常热情，攞相簿将佢地啲食物如数家珍地向我地介绍。同埋原本我地谂住叫埋个海鲜饭，但佢话我地两个人好有机会食剩嘢，会嘥咗，所以劝我地唔好叫，真系好少见到啲咁有良心既商户。
包埋贴士，埋单400蚊。
下次去澳门......要再食葡国菜，内港会系我既首选。
P.S. 环境真系几靓，但如果可以响餐厅内播葡萄牙Fado音乐，会更加好﹗
张贴