HANO

营业中

休息中

女朋友上网睇到推介 于是有咗第一次黎澳门食冰🧊经验等候入坐：因为间铺都开始有少少出名，去到果阵时同店员讲底有几多人，就会俾张筹。等候期间，可以系出面打下卡，或者出一出去大街快行一阵。店舖环境：地方虽然细，但系唔会因为做生意，而安排其他一齐搭枱，尽量俾返私人空间，呢一方面做得几好。甜品：款式虽然唔算唔算好多，但赢在用心制造。而且刨冰款式会不断转变，同埋有唔同嘅新口味。果日就试咗朔饼同焦糖焙茶刨冰。🍘朔饼好有𡁻口同弹口，会另上一杯细嘅黑糖同炼奶调味，名副其实系一个‘甜品’。🍨刨冰方面，唔系我食过最绵嘅刨冰，同埋分量有少少欠奉，但系整体味道唔差，就算食到底都唔会变咗味。服务：由入去到走期间，都有服务有态度，唔会因为想做多几个生意而赶客走。整体评价：一间中上小小甜品舖。行到攰可以入去坐下休息下。