影片
更多
2009-10-27
103 浏览
一早已计划左午餐要到永利轩叹点心, 听说会几满, 要订才会有位。已避开中午这段繁忙时间, 2:40pm才去, 去到见门口个牌写三点落场。本来打算走, 但妈妈又话来到就问下啦!行去柜台问下, 还可以入, 不过未有位要等下。等左十分钟左右才可以入。永利轩有两个入口, 一个要经过娱乐场, 但如果带住小朋友的话可由另一个入口入。 这里座位唔似一般酒楼咁挤迫, 楼底够高, 唔会太局促。格调高雅, 一入去就见到用施华洛水晶石造成的水晶龙。张台都几细, 放多几笼点心都要就位, 酱料是辣酱, 有青红两种, 绿色的有青椒味。因为要留肚, 所以只要了四样点心。 脆虾卷肠粉 $25: 配甜酱和麻酱, 以为好似炸两, 原来内藏的不是油条, 而是春卷皮加上满有米香的肠粉和鲜虾, 是意想不到咁夹。 黄金包$28/4个: 本想要招牌点心雪影餐包, 点知卖光, 侍应小姐建议我们叫黄金包。外层炸到香脆不油腻, 咬落唔会有油咇出来,入面的是萝卜丝, 够稔又清甜。 虾饺皇$35/5只: 饺皮透薄而烟韧, 不易穿。 除左鲜虾, 仲有笋粒, 无太多肥猪肉。 鲍鱼鸡粒酥$38/3个: 卖相已经好诱人, 金金黄黄咁,未食谂住像鸡
这里座位唔似一般酒楼咁挤迫, 楼底够高, 唔会太局促。格调高雅, 一入去就见到用施华洛水晶石造成的水晶龙。张台都几细, 放多几笼点心都要就位, 酱料是辣酱, 有青红两种, 绿色的有青椒味。因为要留肚, 所以只要了四样点心。
脆虾卷肠粉 $25: 配甜酱和麻酱, 以为好似炸两, 原来内藏的不是油条, 而是春卷皮加上满有米香的肠粉和鲜虾, 是意想不到咁夹。
黄金包$28/4个: 本想要招牌点心雪影餐包, 点知卖光, 侍应小姐建议我们叫黄金包。外层炸到香脆不油腻, 咬落唔会有油咇出来,入面的是萝卜丝, 够稔又清甜。
虾饺皇$35/5只: 饺皮透薄而烟韧, 不易穿。 除左鲜虾, 仲有笋粒, 无太多肥猪肉。
鲍鱼鸡粒酥$38/3个: 卖相已经好诱人, 金金黄黄咁,未食谂住像鸡批, 食落才发现有两种皮, 面头个种系鸡批个种皮, 底层就系好似叉烧酥个种酥皮。鸡粒和鲍片用蚝汁煮过, 很入味, 鲍片都不会切丁丁粒, 吃到一片片的。
讲食物之余, 亦要赞下其服务。期间侍应不停加茶, 仲要系帮你斟埋。另外上点心时都会唔好意思前唔好意后,仲讲返咩野点心, 慢慢享用咁。令你完全有被招待的感觉。
本身预左这餐要$200, 但原来只需$157, 计返条数, 茶芥应该要$10/位。系香港都好少去酒店中茶厅饮茶, 反而在澳门就跃跃欲试。这里点心价位比香港的低一点, 睇返酒店网页更发现有个$148套餐, 可任选六款点心呢! 但只限平日。闻说帝影楼的点心不错之余又可欣赏靓景, 下次去澳门又有新目标了。
张贴
