影片
更多
2024-02-29
1068 浏览
差唔多一个月之前book定。原来check返上一次嚟系疫情之前，超过四年喇Book嘅时候，都冇为意系2月29号 万万都估唔到，今次系我一个人自己嚟世事真系风回路转，原来十几年嘅时间，离离合合，个天都系觉得我哋唔适合一齐又唔知点解我嘅坚持自己一个人都要嚟一趟，从来都未试过一个人远门（都算远㗎啦，要转两程长途车又要过关）就当比自己一个试炼啰，迟早都要自己一个人飞㗎啦😭坦白讲真系有少少怯，特别系回程嘅时候⋯⋯一个人嚟食，其实都有啲怪同有啲惨！好彩我另外见到两台人都系咁样（仲要都系女仔）其实可能而家女性嘅地位真系提升咗好多独立咗好多讲返我个lunch 先，四年前book枱嘅时候佢已经问定我哋会拣啲乜嘢菜式，四年后嘅今日，只系book咗枱去到先拣。由于今次一个人嚟，冇得拣两set试多啲嘢😭今次自己拣咗3course 头盘：原种番茄馅挞配布拉塔芝士、罗勒忌廉及海藻鱼子酱主菜：草饲安格斯牛柳配鸡肝摩士、苦白菜、松露面包和马德拉牛肉汁甜品：无花果挞配「公平贸易’朱古力及无花果酱$240 价钱贵咗$20都仍然系冇+1其实三个course最钟意就系个主菜，不论卖相、摆盘、食物嘅味道都好啱我口味！牛柳med
Book嘅时候，都冇为意系2月29号
万万都估唔到，今次系我一个人自己嚟
世事真系风回路转，原来十几年嘅时间，离离合合，个天都系觉得我哋唔适合一齐
又唔知点解我嘅坚持自己一个人都要嚟一趟，从来都未试过一个人远门（都算远㗎啦，要转两程长途车又要过关）就当比自己一个试炼啰，迟早都要自己一个人飞㗎啦😭坦白讲真系有少少怯，特别系回程嘅时候⋯⋯
一个人嚟食，其实都有啲怪同有啲惨！好彩我另外见到两台人都系咁样（仲要都系女仔）其实可能而家女性嘅地位真系提升咗好多独立咗好多
讲返我个lunch 先，四年前book枱嘅时候佢已经问定我哋会拣啲乜嘢菜式，四年后嘅今日，只系book咗枱去到先拣。
由于今次一个人嚟，冇得拣两set试多啲嘢😭
今次自己拣咗3course
头盘：原种番茄馅挞配布拉塔芝士、罗勒忌廉及海藻鱼子酱
主菜：草饲安格斯牛柳配鸡肝摩士、苦白菜、松露面包和马德拉牛肉汁
甜品：无花果挞配「公平贸易’朱古力及无花果酱
$240 价钱贵咗$20都仍然系冇+1
其实三个course最钟意就系个主菜，不论卖相、摆盘、食物嘅味道都好啱我口味！牛柳medium刚刚好，配炸苦白菜，on top仲有鸡肝酱啊
头盘同甜品唔系唔好味，不过其实份量可以扣减10%左右啦！事实上fine dining摆盘上食物既占比应该可以下调少少，当然唔系话佢性价比高唔好，好似头盘咁𠮶层芝士厚嘅程度简直无话可说不过佢配搭嘅味道有的确好清新，绿色嘅汁加埋新鲜蕃茄，的确好开胃🤤
甜品都系一样啦，叫咗个无花果挞啲无花果多到一个点，我谂喺香港食一半都唔知有冇😅
败笔在个挞皮有啲硬身最上层加咗一块白朱古力薄片同埋金箔 ，由于我本人对白朱古力冇乜好感，同埋整体上又唔系特别好味，再加上自己已经饱饱地，所以食净咗部份（其实一开始个面包篮总共有四款面包任你食，基本上每一款都好好味，我谂我食咗夹埋差唔多两个包）最吸引一个有烟肉嘅包另外个蕃茄包都出色。可能我去咗洗手间啦，我见隔篱枱侍应会细心讲解埋附上嘅三种配面包牛油、葡肠酱同埋橄榄油
服务今次好似多咗好多侍应咁，当然有实习生亦都见到有好几个senior 在旁边教导。
其实四年只系加价$20仍然都系物超所值嘅，当然今次自己食心情一定有啲影响嘅
唔知今日我坚持要自己过去澳门有冇选择错 好似好孤单同空虚咁。仲要走嘅时候兜咗好多冤枉路 ，天气又麻麻地🫣
无花果挞配「公平贸易’朱古力及无花果酱
31 浏览
0 赞好
0 留言
草饲安格斯牛柳配鸡肝摩士、苦白菜、松露面包和马德拉牛肉汁
29 浏览
0 赞好
0 留言
原种番茄馅挞配布拉塔芝士、罗勒忌廉及海藻鱼子酱
60 浏览
0 赞好
0 留言
52 浏览
0 赞好
0 留言
张贴
