漢記咖啡

营业中

休息中

汉记位处偏僻嘅废置船厂，一路行入去一路怀疑自己有无行错路。由码头行入去大约10分钟，沿路都无乜人，但一去到门口就见到人山人海。人太多而且唔忧做，所以完全系无服务。见到有空位就坐，坐咗10分钟都无人执枱落单，忍唔住想去厨房落单，但又叫我坐翻低等下。眼见隔离d人等食物都等到个样呆晒，我都知呢到系慢活体验。坐多8分钟，终于有人埋嚟，专程入嚟饮手打咖啡，叫咗一冻一热。等了又等，10分钟后，有咖啡饮了。饮落去发现奶泡绵密，真系估唔到咁好饮！平时非常普通嘅即溶咖啡多咗层奶泡之后完全升华咗另一个层次！冻咖啡其实都做到同样效果，但千其唔好搞均佢，一搞之后又变成普通茶餐厅冻咖啡，酸酸的。服务环境欠奉，唔赶时间又或者喺附近食开葡挞都可以过嚟试下。