Terra - Drip Bar

营业中

休息中

朋友系咖啡之人，谂住约个早餐聚，佢就介绍我黎呢间，我完全唔知寰宇天下楼下有间咁北欧风嘅cafe，入到去格调简单，以白色同木为主，门口旁系调咖啡地方，台同椅都系木，朋友叫左个all day breakfast同咖啡，我就叫左个牛油果蟹肉toast，请教左店主咩茶好饮，跟著就拜托佢帮我叫杯清新嘅茶，牛油果蟹肉toast一上即刻吸引我地眼球，我地唔敢相信！！块蛋可以咁大块，炒得好靓，岩晒影相！蛋又滑又够味，牛油果好新鲜，美中不足系食唔到有蟹肉，可能被牛油果同蛋嘅味道遮盖左，个toast卜卜脆，正！朋友个all day breakfast我冇试到，但好大碟，而朋友系「爱啡之人」，相信杯咖啡不会太差，我杯茶一如所料，清新绿茶，有香味！埋单每人只系90-100蚊左右，食到好饱，又可以系咁舒服嘅环境倾左2个钟计，对住得近嘅朋友黎讲，绝对系食brunch之选！