影片
更多
2023-03-14
610 浏览
咁大个人未坐过金巴，趁放假同猪朋狼友去玩吓。Fd 喺网上揾到呢间酒吧就情意结话要试, 中午摸门钉, 夜晚转完氹仔都系要返去试。结果证明佢系啱嘅！酒吧面积唔大, 环境唔嘈坐落好舒服, 场内顾客都唔系买醉型, 感觉几安全。最搅笑系bartender area 有唔同形状嘅玻璃器皿, 装住唔同颜色嘅液体仲有个玻璃球形状嘅提炼器物体喺度转, 好似喺实验室咁。打开menu, surprise! 首先佢嘅cocktail 同mocktail 都系混合咗你意想不到嘅口味, 例如爆谷味嘅椰油rum, 枫糖沟梅再沟矛台, 而且mocktail 可变为cocktail。 而啲职员都会好细心解说每款酒, 按我地喜好去推介。初试嘅几杯都易入口又有特色, 甚至连出场架势都俾到惊喜, 好似会著火嘅黑云，有一旧乌龙茶味嘅泡沫等等, 好正！另外仲点咗啲食物, 又系卖相满分, 味道爆灯！点咗一碟fish and chips 原来系薯仔丝包住鳕鱼, 外脆内滑嫩, 正！薯蓉烤八爪鱼, 个薯蓉十分出色牛油味香浓, 八爪鱼质感啱啱好！仲点咗一份辣肉肠菠菜蝴蝶粉铺满芝士丝又系100分！之后同老板倾计原来饮品同食物都出自佢手, 仲
Fd 喺网上揾到呢间酒吧就情意结话要试, 中午摸门钉, 夜晚转完氹仔都系要返去试。结果证明佢系啱嘅！
酒吧面积唔大, 环境唔嘈坐落好舒服, 场内顾客都唔系买醉型, 感觉几安全。最搅笑系bartender area 有唔同形状嘅玻璃器皿, 装住唔同颜色嘅液体仲有个玻璃球形状嘅提炼器物体喺度转, 好似喺实验室咁。
打开menu, surprise! 首先佢嘅cocktail 同mocktail 都系混合咗你意想不到嘅口味, 例如爆谷味嘅椰油rum, 枫糖沟梅再沟矛台, 而且mocktail 可变为cocktail。 而啲职员都会好细心解说每款酒, 按我地喜好去推介。初试嘅几杯都易入口又有特色, 甚至连出场架势都俾到惊喜, 好似会著火嘅黑云，有一旧乌龙茶味嘅泡沫等等, 好正！
另外仲点咗啲食物, 又系卖相满分, 味道爆灯！点咗一碟fish and chips 原来系薯仔丝包住鳕鱼, 外脆内滑嫩, 正！薯蓉烤八爪鱼, 个薯蓉十分出色牛油味香浓, 八爪鱼质感啱啱好！仲点咗一份辣肉肠菠菜蝴蝶粉铺满芝士丝又系100分！
之后同老板倾计原来饮品同食物都出自佢手, 仲话可以按我地口味DIY 饮品, 于是再点咗杯Good Morming Healer (有淡淡Espesso 味) 同埋特调混合咗柠檬马鞭草同黄皮的cocktail, 真系有木嘅清香, 饮落又有fresh fresh 唱黄皮味, 好掂！We name it Wolf Bigbi Zoo
总括而言这一站真系金巴之旅的亮点, 同老板倾完会发现佢对经营这店充满热诚（食落饮落亦会feel到）而且主意唔少会陆续开发, 绝对系钟意饮返一两杯嘅爱好者寻宝好去处！
张贴
