葡多利正宗葡國菜

营业中

休息中

可能有期望所以失望。米芝连评价应该分好多面评分，我就唔系好识，不过其实近门口位第一张枱系咪应该唔好放？！系咁热既天气，个个位系感受唔太到冷气，原本有窗位入到阳光系好既，不过依家既十月真系成个夏天咁。不过都算啦，铺仔细细，空间方面唔好要求太多。叫嘢食！因为大家黎澳门都预左想试多啲嘢食，所以叫左个鹰嘴豆马介休沙律、蚬同八爪鱼饭就够，留返空间食下其他嘢。鹰嘴豆沙律系好食，尤其热既时候食呢个就岩！几舒服，啲豆无太淋，系马介休个味唔系好出。蚬有砂🤣唔系一两只，不过质地系算少少肥厚好既，无煮过火，偏咸。好喇食完前菜，成碟都系壳，都唔紧要啦，一般我都唔会要求换碟，觉得有啲唔环保，好啦，上主菜，八爪鱼饭，woow，一锅咁上好开心啦，系热咗啲咁，八爪鱼系几好既，但好咸下，尤其啲饭吸哂啲汁，愈食愈咸，基本上食两啖就唔想再食，而且可能有胡椒，热上加热。快啲食完快啲走。下次都系试第二间，唔会再返转头。原本见其他好似吸引，但怕怕。