影片
更多
2019-07-29
4383 浏览
男朋友生日,特登去澳门一日游。本身朋友介绍去新濠天地既Tasting Room,米芝莲2星食府,不过最后男朋友睇完个MENU,话佢已经换左MENU,而家个MENU用D料普通左少少,所以就拣左其他。经过男朋友一番筛选，最后拣左新葡京酒店43楼既厅天巢法国餐厅。我系早两星期打去订位，因为佢系米芝莲3星食府，所以早少少去留位就稳阵D。我打去个时系一个外国人接听，所以要用英文留位。另外，由于系男朋友生日，所以特别要求左窗口位置同埋生日甜品，祝福字句都系免费帮你写既。STAFF另外有特别提醒由于系FINE DINING,所以男女士都有DRESS CODE,大概系男士唔可以著短裤背心拖鞋波鞋，要著有领衫(呢个唔肯定有无同TASTING ROOM混淆左)，女士就唔可以著拖鞋。不过就算我早左2星期打去留位(虽然唔系好耐),留位个时STAFF已经同我讲窗口位置已经FULL晒，除非有人取消BOOKING。提提大家，佢系要过数留位既,每位MOP 500,唔系按金,到时会向食饭张单扣返。其实都唔记得左由几时开始无踏足过葡京或者新葡京,因为澳门太多酒店太多选择。自助餐有群芳，MEZZA 9 MACAU,虽然后者
其实都唔记得左由几时开始无踏足过葡京或者新葡京,因为澳门太多酒店太多选择。自助餐有群芳，MEZZA 9 MACAU,虽然后者长期FULL BOOKING，不过都无减佢受欢迎情度。
一入到去就见到好多金色，好传统个种。之后一出电梯系完全唔同既景象，好彩唔系金色，因为个人唔系太喜欢个种格调。虽然订位个时讲左无WINDOW SEAT,不过最后都系有被安排到。其实佢唔系好多枱，所以都做到枱与枱之间有好多空间。STAFF会之后俾个MENU你,可以选择2 OR 3 MAIN COURSES. 我怕太多，所以拣左2 COURSES，男朋友就贪心D拣左3 COURSES. 头盘同甜品都包埋既，只系甜品拣唔同既野。
一开始,STAFF会推架面包车俾你拣你想食既包,由于太多选择,花多眼乱,STAFF就话每样俾我地试D。D面包多到唔知边款打边款,最有印象既系有一款系有一粒SUN DRY TOMATO向中间,个味酸酸地几特别。
第一道开胃菜系法国鱼子酱伴海鲜冻及椰菜花忌廉，个鱼子酱个味好出,而个个椰菜花忌廉食落滑得黎又唔会腻，系几好既配搭。头盘方面，我地拣左法式牛仔鸭肝冻批伴野菌沙律，个人觉得呢个有D油腻。另一道头盘我地就拣左日本皇帝蟹肉伴鸡蛋及鱼子酱，呢个系有D惊喜，不论卖相定味道都唔错。
汤方面只有一种，都系香浓野菌汤伴芝士云吞。呢个汤值得一赞，一黎到我见佢绿色已经心里一沉，因为本人系唔食青豆，点知饮落好好味好滑，完全无我最怕既臭青味。
主菜呢，我只系叫左一款，就系香煎日本甘鲷配法式海鲜浓汤。而男朋友叫左两款，分别系香煎日本甘鲷配法式海鲜浓汤同香烤龙虾伴青豆配特色日本芥茉汁。老实讲，我地睇到个MENU之后系有少少失望既，因为我地之前见到人地有食评有写主菜有牛，而我地两个都系牛魔王，不!大家都明呢D餐厅成日都会转MENU。先讲下个鱼，本身以为份量会好少，其实有两大旧。如果你点左两道主菜，好似我男朋友咁，佢个碟鱼就得一旧啦。个鱼煮得岩岩好，唔会过左火，个个海鲜浓汤正合我心意，个味好浓。至于个龙虾，本人就觉得无咩特别，不过男朋友就话煮得唔错。
食到呢度其实已经好饱，但系当然唔可以错过我最钟意既甜品啦。可以拣芝士或甜品，甜品可以两款同一款雪糕，正!我拣左lemon tart同chocolate pie，加上我地订左生日蛋糕，拿破伦!!!所以满足情度系100!!!! 甜品整体有75分，系孚味既而且唔太甜，不过唔会好惊喜。男朋友唔钟意甜食而且系cheese lover，无疑系拣芝士啦。其实我都唔系好记得最后拣左边只芝士，因为太多，同埋本身佢只系可以拣2-3款,D staff又好好人想我地试多D，所以有4款。
到最后，由于食左好几个钟，而且个环境好舒服，又有D阳光晒下，搞到我越食越眼训，所以餐饮我就叫左FLAT WHITE提提神。咖啡就一般quality,唔会唔好饮又唔会好好饮，standard野。
Overall今之既用餐经验系开心既,staff又好有善，不过有一点值得改善既系有时有好少部分既餐具可能清洗得唔系咁干净，当我同staff示意左之后，佢地都立即换左同讲唔好意思架啦,所以都系单一事件。性价比系高既所以值得推介。
张贴
