甜香園麥師傅甜品

营业中

休息中

行到好, 周围都系人, 好辛苦啊! 所以要去食个甜品hea下~ 见到呢间好似冇乜人, 好啦~ 就一试~ 虽然只一个人serve成间小小既甜品店, 但佢好积极, 唔会hea, 同埋同我地介绍有乜野~ 最搞笑系我系背住佢既, 咁我就随口同d朋友讲: "唔知凤凰擂沙汤圆系乜呢?" 个侍应冷不防系我后面答我个馅即系奶皇, 吓死我, 不过佢都有道歉, 其实又唔使道歉既~ 不过好搞笑~anyways, 凤凰擂沙汤圆咁得意, 就叫个睇下~ 汤圆好味, 但可惜出面d芝麻cover左所有味, 所以食唔到奶皇味啰~ 下次都系叫返芝麻就算~椰汁马蹄沙我第一次试, hk好似冇? 劲冻劲好味, 沙沙地, 一入口就食到好清甜既马蹄~ 好好好正! 我估咁多款马蹄沙, 椰汁就应该最能show到马蹄沙本身既味道, 唔会话抢哂d味~ 杨枝柑露入面好似有冰咁, 沙沙地~ 好有芒果香, d西柚唔系好苦, 但好好咬~ 好冻好透心凉~ soooo good!最重要系好平! 哈~ 食完好满足~