最近又宣布禁晚市堂食，不過食外賣其實就唔一定要「捱」嘅，因為就算外賣返屋企都有好多好嘢食㗎！OpenRice外賣自取服務今期繼續同多間餐廳合作推出優惠，包括主打川滬菜嘅外賣店、咖啡店、上海菜、新式叉燒專門店及牛肉火鍋專門店，每一間都有指定食品7折，無論你係買外賣「毒」食定同朋友喺屋企gathering都無問題。一於一齊食盡香港，食盡環球美食！

 616牛肉火鍋專門店 (全線分店) 指定食品7折

牛魔王一定食過嘅牛肉火鍋專門店，供應各款坊間少見嘅牛肉部位。鍾意食牛味香濃嘅，可以試下澳洲五花趾，口感同外表都有啲似牛腱，幾有咬口。另外匙柄都值得一試，牛味重之餘仲好嫩滑，呢排天氣凍應該唔少人都打邊爐，買返去加料就最啱！

珍一料理 (全線分店) 指定食品7折

一間主打川滬菜嘅外賣店，最人氣嘅招牌麻椒雞塊飯，一入口先感受到微微辣味，然後口腔會慢慢感受到麻嘅感覺，幾有層次感，而且折後只係$32就食到，份量仲大大碗，一定夠飽！另外仲有土豆絲及紅油豬耳等小食，前者炒得乾身爽脆，後者香辣惹味，鍾意食辣嘅朋友唔好錯過呀。

Flash Coffee (指定分店) 指定飲品7折

有時行行下街口渴唔知飲咩好？不如試下呢間最近先進駐香港、來自新加坡嘅咖啡店啦，有三款飲品都做緊7折優惠。包括呢杯全新推出嘅暖暖莓朱，靈感來自細個大家一定有食過嘅太空船士多啤梨朱古力，係童年回憶嘅味道呀～甜椰椰鮮奶咖啡以鮮奶咖啡搭配100％純淨嘅馬六甲椰糖，甜味自然，仲充滿東南亞風味；而Flash鴛鴦係香港限定，以伯爵茶混合咖啡，兩者味道都恰到好處。

好叉好味 (指定分店) 指定食品7折

叉燒經常畀人一種麻甩嘅感覺，但原來食叉燒都可以好潮㗎！呢間主打杯裝叉燒嘅店舖愈開愈多分店，點解咁受歡迎呢，皆因佢哋嘅叉燒雖然同坊間一樣選用梅頭豬肉，不過製作過程就落足心思令肉質更軟腍，幫豬肉長時間按摩後用中式醬醃製，跟住放入特別機器慢煮三十分鐘，先高溫鎖住叉燒肉汁，然後低溫慢煮，最後再高溫煮令表面焦香。除咗經典焦蜜口味，仲有清新啲嘅柚香口味添。

金滿庭京川滬菜館 (全線分店) 指定食品7折

經驗老到嘅新派上海菜館，主要提供京、川、滬三地菜式，除咗供應傳統菜亦周不時自創新菜式，質素都好有保證。好似上海菜必食嘅前菜雞絲粉皮，麻醬杰身得嚟味道啱啱好，唔會太膩～主菜推介宮保雞丁，雞粒嫩滑而且仲好惹味，配飯食一流！

按此立即睇「來吧，食盡地球！」餐廳優惠 (落單滿$50，輸入優惠碼「FOOD」@再減$10！)

另外當然唔可以錯過一系列嘅外賣自取優惠碼，首次使用外賣自取用戶消費滿$40，輸入優惠碼「NEW20」*，即減$20，真係抵上加抵！仲有$5立減優惠，消費滿$10，輸入優惠碼「TAS5」#，即減$5，得咗！仲有Mastercard 「星期三及星期五驚喜優惠」^，消費滿$80即減$20，超抵！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！           

仲等？按此立即落單

@來吧，食盡地球！優惠: https://bit.ly/3JZfNKv
*迎新優惠：https://bit.ly/3qZvOaC
#$5立減優惠：https://bit.ly/3E7yPuN
^Mastercard 「星期三及星期五驚喜優惠」：https://bit.ly/3ranVPW