聖誕佳節約屋企人或者一大班好友，最啱就係去食自助餐！加上今年有唔少酒店自助餐都以香港人最愛嘅海鮮做主題，唔啱海鮮亦有各地美食任揀，就算身邊有「百彈齋主」都唔洗驚。部分早訂枱仲有折扣優惠！
 

海鮮主題

City Café　蠔龍薈萃‧海鮮自助晚餐 

睇名大家可能都估到，油麻地呢間酒店餐廳今年以蠔同波士頓龍蝦做主題呀！首先每位有一客黑松露瑞士大孔芝士焗龍蝦，而精選美食包括四色焗生蠔、龍蝦珍珠蠔流心芝士撻、低溫燒火雞配黑松露汁等等。甜品就以朱古力為主，必試現場即製朱古力心太軟！

供應日期：2018年12月7日至2019年1月1日
價錢：官方網站
※ OpenRice優惠價每位$458起（條款及細則）
 

尚廚　「極品冬蟹」自助晚餐

將軍澳呢間酒店餐廳就以冬天當造嘅蟹為主，一次過可以試勻松葉蟹腳、愛爾蘭麵包蟹、北海道毛蟹、青島肉蟹，同澳洲加菲蟹！熱盤亦有芝士焗釀鮮蟹蓋、蟹肉花膠濃湯、鱈場蟹肉牛油果壽司卷等等，各位蟹迷一定夠哂滿足。

供應日期：2018年12月24日至26日、2018年12月31日至2019年1月1日
價錢：官方網站
※ 12月16日前預訂及全數預付可享85折
 

2+2 Café　夢幻星願龍蝦海鮮自助晚餐

而呢間位於沙田嘅酒店餐廳主打各款龍蝦美食，好似雲丹燒龍蝦、蜜糖芥末焗龍蝦、黃金龍蝦鉗等，而食肉獸就必試低溫慢燒美國肉眼同聖誕燒火雞。記得留肚食甜品，皆因佢地今次以璀璨夢幻嘅星河做甜品主題，特大火焰朱古力星球唔單止好味仲好啱拍片打卡呀。

供應日期：2018年12月24日至26日、2018年12月31日至2019年1月1日
價錢：官方網站
※ 12月1日或之前購買餐券可享6折（條款及細則）
 

雅苑座　閃亮聖誕海鮮自助晚餐

貪心咩海鮮都想試啲？無問題！尖沙咀呢間酒店喺聖誕節就為大家奉上一系列海鮮美食，首先每位會有一份8吋蘇格蘭蟶子配海膽，再加一份藏紅花魚湯浸開邊龍蝦！回本冰鎮海鮮就有加菲蟹、阿拉斯加蟹腳、加拿大雪場蟹腳，同非常搶鏡嘅波士頓龍蝦山！

供應日期：2018年12月24日至26日、31日
價錢：官方網站
※ 首100位預訂可享85折（條款及細則）
 

 
各地美饌

懷歐敘　法式節慶半自助晚餐

金鐘呢間法國餐廳特別喺平安夜、聖誕節同除夕，搖身一變成為法國美食市集！大家可以喺開放式廚房盡情享受一系列海鮮同前菜，包括即開法國生蠔、招牌鴨肝凍餅、法國魚子醬、波士頓龍蝦同阿拉斯加蟹腳！而主菜就可以選擇慢煮A4和牛牛柳，或者應節嘅香烤火雞卷釀法式菇菌。

供應日期：2018年12月24日至25日、31日
價錢：官方網站
※ 12月9日前預訂及全數預付可享85折
 

add@Prince　東南亞美饌聖誕盛宴

邊個話聖誕節自助餐一定係西餐？尖沙咀呢間酒店餐廳就有嚟自泰國、印度同香港廚師團隊坐陣，為大家炮製多款亞洲地道美食！好似招牌泰國冬蔭功湯、泰式辣椒炒龍蝦、蒜蓉粉絲蒸帶子等。而回本海鮮凍盤選擇就有包括即開生蠔、波士頓龍蝦、阿拉斯加蟹腳、面包蟹、龍蝦仔等。

供應日期：2018年12月24日至26日、2018年12月31日至2019年1月1日
價錢：官方網站
※ 12月9日前預訂及預付可享85折
 

The Market　環球美食自助餐

尖東呢間自助餐廳係人氣之選就唔洗多介紹啦，呢個12月佢地以環球美食做主題，啱哂咩都想試啲嘅貪心鬼。除咗美式傳統聖誕火雞及蜜糖燒火腿等聖誕美食之外，亦有時令美食例如五蛇羮等。連海鮮都嚟自世界各地，好似北海道帶子、波士頓龍蝦，同太平洋蟹鉗呀。

供應日期：2018年12月1日至31日
價錢：官方網站
 

The Place　聖誕盛宴自助晚餐

旺角呢間自助餐廳就主打聖誕經典美食，包括現場即切烤火雞、威靈頓牛肉、瑞士熱溶芝士同無限供應嘅海鮮，好似時令生蠔同加拿大雪蟹等。回本推介仲有即切北京烤鴨，同手切西班牙風乾火腿。記得食埋焗薑餅芝士蛋糕等聖誕甜品，為大餐畫上甜蜜完美句號。

供應日期：2018年12月1日至31日
價錢：官方網站

文：Cathy