【外賣自取】高質日本菜、懷舊主題Café、特色西餐通通有

人生時間咁寶貴，又點可以將時間浪費喺「等待」上面呢。唔想等嘅話用OpenRice外賣自取，一落去就有得拎，咁就可以慳返啲時間啦～喺以下呢五間餐廳用外賣自取服務，慳時間之餘仲有折，高質日本菜、懷舊主題Café、特色西餐同印度菜都有齊，無論咩口味都總有一間啱心水！

懷舊主題Café　 Zenon Café(中環)　【外賣自取6折】

以舊式理髮室為主題嘅Café，主打多款人氣三文治。麵包係三文治嘅靈魂，餐廳特意引入超香脆口麵包，選擇有特厚嘅Jumbo Reuben或素食朋友至愛嘅Vegeterian Sandwich。另外全日供應All Day Breakfast，想幾時食都無問題啊！

水準西餐小店　Delizia Kitchen(銅鑼灣)　【外賣自取8折】

銅鑼灣滿佈連鎖食店，有時支持吓小店都唔錯。呢間西餐小店招牌菜有香燒法國春雞及德國咸豬手，法國春雞皮薄香脆，而且好Juicy；德國咸豬手皮脆肉香，配埋酸菜食就唔覺油膩。

高質多樣化日本菜　Amazake(中環)　【外賣自取85折】

外賣都可以食好西㗎！呢度嘅日本菜好多元化，壽司、刺身、天婦羅、串燒都有得揀。必食之選有招牌Amazake卷，加入蟹肉、青瓜、牛油果、拖羅蓉及三文魚子，一啖食落口勁滿足！驚唔飽有鵝肝和牛炒飯，仲有日本菜較少見嘅墨西哥夾餅添！

正宗印度菜　皇宮印度餐廳(尖沙咀)　【外賣自取8折】

講到重慶大廈就梗係食咖喱啦，咖喱可配雞、羊、魚及海鮮，當然要叫埋手打薄餅點咖喱汁食，薄餅熱辣辣夠晒香口，而且有牛油、芝士同蒜蓉多款口味。小食炸洋蔥絲、咖喱角都值得一試㗎！

工廈內的西餐　AGE Cuisine Express(鰂魚涌)　【外賣自取9% off】

手頭緊又想据吓扒，呢間平民西餐應該啱你。餐廳位於鰂魚涌工廈內，食物質素出色，供應美國安格斯西冷、香草紐西蘭羊架、北京烤鴨薄餅及燒法國帶子配自家製墨魚汁扁意粉等，全部都大大份，而且都係百幾二百蚊，大件夾抵食！