晚市開返，相信大家陸續約朋友食飯聚一聚。開飯仔提提你，而家食飯可以同時贏獎品嘅機會嚟喇，只要去指定餐廳用膳，就可以參加「密密食．密密賞」遊戲，有機會贏取Apple iPhone 13 Pro、TEFAL 特福 FX202D 氣炸鍋、人氣酒店禮品卡、餐廳專屬折扣碼等獎品。繼續介紹8間西式餐廳畀大家，有地道美國海鮮、人氣澳洲菜、法國傳統料理、打卡西餐廳及茶啡酒館等。
【貼地價食盡加拿大龍蝦及蟹腳】Outback Steakhouse
澳洲主題扒房，價錢貼地，無論食材、煮法都跟從品牌總廚，並從外國各地引入高質扒類、海鮮及蔬菜。全新「滋味海風享宴」集合多款高質海鮮，包括香煎加拿大龍蝦尾、蒸加拿大蟹腳、冰桶甜蝦、燒盲槽魚柳、燒美國帶子脆香多士及特色雞味飯，龍蝦尾勁大隻厚肉，款款海鮮都好鮮甜。另外仲有兩款新前菜香煎黑椒日式黃鰭吞拿魚同香煎黑椒日式黃鰭吞拿魚沙律，海鮮控啱晒～
詳細介紹► Outback Steakhouse 貼地價海鮮牛扒盛宴
全新滋味海風享宴味道鮮甜，前菜香煎黑椒日式黃鰭吞拿魚好開胃
【木系文青西式咖啡店】Potluck Eatery 
適合各位文青去嘅西式咖啡店，裝修以木系為主，亦有多個打卡位，氣氛令人放鬆好適合休憩。下午茶時段供應三層架下午茶及韓式窩夫等，其餘時段都供應多款人氣料理。 三層架有迷你鵝肝多士、迷你牛肉漢堡包、提子鬆餅配櫻桃醬及德文郡忌廉等。韓式炸雞窩夫甜甜鹹鹹都好吸引，素食者都有選擇，如脆炸金菇牛油果窩夫及芝士蟹肉焗大啡菇，無論食肉獸定素食者都食得開心！
詳細介紹► 文青空間嘆木系下午茶 肉控·素食都滿足
三層架下午茶鹹甜俱備，另供應多款西式扒類
【地道美式海鮮·烤肉+現場DJ客串】The Musicbox Grill House & Bar 
音樂主題西餐，店內掛滿珍藏黑膠唱片，設有DJ台，餐廳會定時邀請DJ過嚟客串，好有氣氛。食物方面主打美國南部菜，新推嘅「卡真海鮮拼盤」係美式水煮海鮮，有虎蝦、蜆、藍青口、翡翠螺等，份量十足啱晒一大班人食。一定要連埋靈魂調味料Cajun一齊食，加入Old Bay同大量香料，香辣惹味。另外波本辣汁烤羊架肉質好鮮嫩，配埋酸辣醬汁好開胃。
詳細介紹► 地道美式海鮮·烤肉 設DJ台·靚音響勁有氣氛
主打美國南部菜，卡真海鮮拼盤香辣惹味
【法國傳統料理】Lab Eat Restaurant & Bar
旺角同尖沙咀都有分店嘅西式私房菜，兩間氣氛略有不同，前者適合朋友聚會，後者適合情侶約會呀。鍾意打卡要去旺角店試限定嘅超美！海鮮創作料理，華麗4格擺盤，將日本北海道刺身級帶子、鮑魚、紅蝦膏一同上枱，吸睛之餘味道仲好高質素。法國油封鴨髀都係手工料理，72小時全人手處理，鴨髀皮脆肉香，配埋鴨肝嘅油香真係一絕。
詳細介紹► 2大氣氛餐廳 5月新品法國傳統料理·鵝肝黑毛豬
打卡必食海鮮創作料理，吸睛之餘味道仲好高質素
【旺角三層高打卡西餐廳】Lab Eat Bistro
工業風裝修加上空間寬敞，坐得舒服又可以打卡～餐廳主打多款充滿玩味嘅Fusion菜，一定有一款啱心水。如鬼佬黯然銷魂飯，將慢煮鴨胸取替豬肉做成嘅叉燒，淋上秘製叉燒醬汁後再燒到燶邊，鴨肉充滿油脂香味，外脆內軟！而飯底係用12隻龍崗雞熬出嚟嘅高湯同雞油煮成嘅risotto，香氣十足～仲有媽咪炒蟹同懷舊糖蔥餅拿破崙等都值得一試。
詳細介紹► 旺角三層高打卡西餐廳 食盡創意Fusion菜同稀有部位牛扒
香檸牛油果三文魚漬好開胃，懷舊糖蔥餅拿破崙令人回憶起兒時味道
【呼應保育文化主題茶啡酒館】I-O-N Café Bar 
位於富有歷史意義嘅中環街市嘅茶啡酒館，以多款充滿香港本土特色嘅食材入饌，創作出唔同嘅新穎菜式。小食拼盤可以喺8款招牌小食中任揀4款，特別推介加入香港特色嘅金沙炸薯條、避風塘炸魚薯條或者爆谷蝦等，醒神惹味。玫瑰露煮青口都好有特色，約中式玫瑰露配上青口，青口嘅鮮香味更加突出，而且滲有陣陣花香。
詳細介紹► 中環茶啡酒館 融入本地特色食材創作獨家菜式
瑰露煮青口及香辣蝦醬海鮮意粉都係中西合璧特色菜
【尖沙咀高空多國菜】Chef Stage De Eddy Chu
位於大樓嘅19樓，可以飽覽城市靚景，食飯都食等零舍enjoy！老闆身兼主廚，入行逾30年，最擅長融合各地菜式，加入新元素，為食客帶嚟新鮮感。推介佢哋嘅Tasting Menu，一次試勻餐廳招牌菜，首先係生蠔 / 磯煮鮑魚 / 凍蝦，配埋自家製嘅酸甜香草汁，海鮮甜味更突出。松露煮日本年糕煙煙韌韌，味道濃郁。焗連殼食法國田螺好特別，唔係真係連殼食，大廚用麵粉做咗個「殼」，釀入田螺肉，口感豐富。
詳細介紹► 紀念日要吃特別點！尖沙咀高空多國菜 法國田螺連殼食
生蠔 / 磯煮鮑魚 / 凍蝦最適合當前菜，雜菜薯仔燴安格斯牛腩扒肉味香濃充滿油花
【工廈臥虎藏龍高質餐廳】Luxury Chef
餐廳環境優雅舒適，菜式更請嚟從事飲食業超過30年、喺多間五星級酒店及高級會所出任總廚嘅名廚Eddy Chu擔任顧問，出品自然有保證。牛魔王必食「美國極級牛肉眼扒」，選用USAD當中最高級嘅Prime牛肉，而且肉眼屬於肋脊部位，油花豐富，烤過後更香！慢燒羊鞍以慢燒方式煮出嚟，肉質軟腍仲保留到肉汁，而且熟度啱啱好。
詳細介紹► 九龍灣隱世高質西餐廳 名廚Eddy Chu監督 Lunch Set $53起！
美國極級牛肉眼扒油花豐富，下午茶必食金黃西多士配雪糕
想知道去邊啲餐廳可以享盡更多優惠，記得要留意我哋之後嘅報道同Facebook喇。
密密食．密密賞
活動日期：2022年4月29日至6月9日
活動詳情：（按此）