Baby今晚食乜好？中菜？日本嘢？西餐？點解唔食香港菜呢？如果以為香港菜得魚蛋燒賣，咁喺中環新開張嘅Bao Bei就話你知其實仲有好多！
Bao Bei係是國語「寶貝」嘅譯音，呢間全新酒吧餐廳以「香港製造」為主題，供應多款結合中西特色同融入亞洲風味嘅特色菜，真正向香港呢個融合各國美食嘅城市致敬。
Bao亦係「包」嘅譯音，所以Bao Bei全日供應中式蒸包，點蒸包三味就可以一次過試勻三款以食材優質而帶有傳統風味嘅拿手蒸包。
除咗蒸包，仲有和牛漢堡包。選用Wagyu Baoger和牛，加上黑木耳同鰻魚燒汁，將亞洲食材以西式方法演繹。
麻婆豆腐炸薯條就適合一班朋友一齊開心Share，酥脆薯條淋上香辣麻婆豆腐，玩味十足之餘亦不得不佩服廚師嘅新意。
酒吧亦供應唔同嘅特色雞尾酒，Childhood Memory以細個鍾意飲嘅麥精維他奶加埋白冧酒同百利甜酒，最盞鬼嘅係用返個維他奶玻璃樽裝住！另外亦有來自亞洲多個地區供應嘅手工啤酒。
Bao Bei已經開始試業，有興趣嘅不妨約埋Baby，呀，唔係，約埋寶貝一齊去。
隨時接收最新資訊
讚好OpenRice專頁！
關鍵字
中環
酒吧
港式
蒸包
漢堡包
BAO
雞尾酒
複製到剪貼簿