疫症已經橫行咗超過一年，對我哋嘅日常生活當然有好多影響，亦改變咗大家唔少嘅習慣。不過即使喺疫情下，我哋都可以從新常態中，尋找趣味！年度盛事「OpenRice優秀開飯熱店大賞」即將開始接受投票喇，今年以「日嚐作樂」為主題，希望大家從每日品嚐到嘅美食中創造樂趣，從探索餐廳中感受香港「味」力。3月24號就開始可以一人一票投選你心目中嘅本土出色熱店！而喺未開始投票前，大家都可以先參與「有獎分享活動」，有機會贏取獎品總值超過30萬！想知點玩？記得睇到最尾！
呢年大部分時間都有限聚令，唔係二人限聚就四人限聚，好耐都冇試過一大班人食飯了。不過細有細聚，兩三個人都可以好開心，傾偈談心仲可以深入啲添。以下呢幾間餐廳就啱晒細group小聚喇，有啲好啱閨蜜打卡，有啲就啱靜靜地傾下心事。
摩洛哥風 Morokok 
圖：呢間新派泰國餐廳有勁多打卡位，成間餐廳以摩洛哥風做主題，以白色同粉紅色為主，好少女～除咗室內嘅人氣打卡走廊，仲有戶外用餐區，座位鋪咗色彩繽紛嘅坐墊氈配合埋小茶几，好似去咗異國度假咁。佢哋嘅二人下午茶仲好吸引，兩層架上擺放精緻嘅點心。得閒同閨蜜嚟傾下偈打下卡，過返個悠閑嘅下午就最好不過啦！
元朗溫馨小店 雪人圓 
圖：喺元朗嘅一間隱世甜品小店，店內擺放咗好多唔同嘅雪人仔，可愛得嚟又浪漫。餐點名稱可愛。特別推薦佢哋嘅梳乎厘，充滿空氣感，非常蓬鬆。餐廳分兩層，地舖喺餐廳，二樓有衫同裝飾品賣。適合父母同子女嚟家庭樂，或者同另一半嚟都好溫馨、好sweet～
Chill清靜cafe 悠
圖：兩三個人食下嘢、傾下偈，Café通常都係首選，因為通常啲裝修都滿有特色，好好氣氛。就好似呢間喺元朗西鐵站附近嘅Café咁，店舖細細，但氣氛好溫馨，綠色植物牆身仲令到食客有種放鬆嘅感覺添～小店提供全日早餐、意粉、咖啡同甜品，座位不多，適合兩至四人聚會。
型格黑白打卡舖 ULURU
同Friends約出嚟除咗食下飯、聚下舊，梗係唔少得打卡影相Post IG啦～全部裝修都係黑白色嘅呢間Fusion餐廳，就可以滿足晒你呢幾個願望啦。原來牆上面嘅黑白圖畫，係一筆一劃咁畫上去，好有心思。餐廳提供漢堡包、意粉同埋各種創意甜品，特別推介佢哋嘅甜品「粉蝶花之丘」，賣相靚到成件藝術品咁樣！
七彩小店 Homeland
如果你或者另一半好鍾意食意粉，就唔好錯過呢一間西餐廳啦。佢哋嘅意粉係自家手打製作嘅，好有口感。餐廳仲提供各種各樣本地精釀啤酒，用埋嚟製作烤雞添！其他小食、主菜同甜品都好有水準。裝修以木為主，再以五顏六色嘅凳同埋燈點綴，令人好放鬆，啱晒同另一半或者同兩三個朋友嚟，細聲講，大啖食！
投票未正式開始前，您可以先分享一張與美食的快樂時刻😋到個人FB/IG (必須設定為公開)，加Hashtag #日嚐作樂 #OpenRice。完成整個投票活動後，即有機會贏取獎品總值超過30萬！
投票和獎品詳情將於3月24日正式公佈，密切期待：https://bit.ly/3bRsGaH
*活動須受條款及細則約束
文：Hailey
編：Kar
