喺疫情繼續不穩嘅時勢，好多朋友仔都會揀留喺屋企食，又或者Lunch都買外賣返Office食。有見及此，開飯仔將會不斷為大家搜羅全城至抵嘅外賣自取餐廳，等大家安全抗疫之餘，亦可慳慳錢。今次就介紹4間抵食嘅東南亞菜餐廳，當中3間有指定食品半價優惠，揀啱更可即時撳掣用手機落單！
【半價】火五生牛肉粉+扎肉撈檬 火五越式牛肉粉專門店(太子、佐敦、天后) 
主打越式牛肉粉，選擇多元化而且價錢實惠，所以係唔少街坊嘅心頭好。而家用OpenRice外賣自取，即享火五生牛肉粉，同扎肉撈檬半價優惠！佢哋嘅湯底用牛骨加16種香料、以低溫熬煮超過8個鐘頭，清澈帶牛香。扎肉撈檬味道就較為清爽。
【半價】香蒜炒雜菜+椰香奶皇流心湯丸 Apinara(金鐘)
曼谷過江龍餐廳，同名店Nara屬於同一集團，主打正宗泰國菜，喺傳統當中加入新元素。而家香蒜炒雜菜同椰香奶皇流心湯丸都係半價！另外五款指定菜式包括泰式肉碎煎蛋飯同燒雞扒配青木瓜沙律亦有六折優惠，一家人開心Share最啱。
【半價】指定泰式飲品 金蘭花泰國菜(灣仔)
位於灣仔嘅樓上泰國菜餐廳，各款菜式平均水平都唔錯，係人氣飯堂之一。今次做半價優惠嘅係五款指定泰式飲品：青檸梳打、三檸七、三檸樂、杞子龍眼冰，同凍檸多。部分飯麵例如泰式炒素粉絲、泰式串燒太陽蛋配白飯、猪肉/牛肉船麵亦有八折或九折優惠啊。
【68折】指定單點菜式 樂天經典(大角咀)
呢間餐廳嚟自新加坡，供應多款正宗南洋中菜，糅合南洋天然香料同懷舊風味。而家用OpenRice外賣自取，可享多款單點菜式68折優惠！一系列冷盤、主菜、蔬菜、飯麵到甜品應有盡有，包括招牌菜金牌脆皮燒鷄同古早魚香老鼠粉煲。
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
文：Cathy.H