縱然疫情緩和，不過唔少人都唔敢鬆懈，選擇繼續安坐家中開餐。開飯仔亦會不斷為大家搜羅全城至抵嘅外賣自取餐廳，等大家抗疫之餘，亦可慳慳錢。今次就介紹5間抵食嘅中菜館，食齊川菜、粵菜同海鮮蒸氣火鍋，揀啱更可即時撳掣用手機落單！
【48折】居家嘆住食套餐 鄧記川菜(銅鑼灣) 
如果你同屋企人都係無辣不歡嘅話，呢間由掌廚超過40年嘅星級大廚鄧華東主理嘅川菜館就最啱啦。而家用OpenRice外賣自取，指定居家嘆住食套餐低至48折！一個價錢食勻四川口水雞、鮮椒海鮮滙、孜然羊肋骨等共五款精選菜式。想加餸亦有多款經典川菜選擇。
【半價】辣蟻粉絲+椒鹽豆腐 飲茶(中環)
週末想嘆返一盅兩件，就可以試試呢間人氣新派點心餐廳喇。兩款指定菜式：辣蟻粉絲同椒鹽豆腐都有半價優惠！前者味道香辣後者外脆內軟，同樣惹味。主餐牌其他食物，包括多款招牌點心例如「睇住流奶」、「一籠八戒」、「鴿吞鳳梨」等同樣都有7折優惠！
【半價】每日滋補燉湯 憶食尚臘味煲仔飯(佐敦)
呢間煲仔飯專門店嘅臘味係嚟自自家工場，皆因係老闆本身就係臘味製造商，多款臘腸、臘肉及板鴨都用靚料炮製，不加防腐劑及化學物，招牌菜特色臘味煲仔飯充滿各款臘味嘅鹹鮮同油香！用OpenRice外賣自取更有滋補燉湯半價，同指定麵食85折優惠啊！
餐廳主打烤北京填鴨，師承北京百年名店全聚德，以傳統掛爐烤製，令烤鴨皮脆肉嫩、肥而不膩，而且有全隻同半隻揀，小家庭都唔使驚食唔晒。另外亦有多款特色小菜、飯麵、甜品。用OpenRice外賣自取嗌涼瓜燜鴨架有半價優惠𠻹啊。
【半價】海鮮蒸氣石碢套餐 蟹仙海鮮蒸氣鍋(銅鑼灣)
圖: IrisWong5445
同海鮮迷慶祝生日或者特別節日嘅話，一齊食海鮮蒸氣火鍋都係個好選擇，用OpenRice外賣自取可以搵到呢間海鮮蒸氣鍋專門店，兩款套餐都有半價優惠！唔使自己去街市買餸同處理，方便得多。套餐包埋石碢粥底同其他配料，夠四人享用，亦可以再加錢增加享用人數。
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
文：Cathy.H