【特約分享】美食博覽 - 多元化美食齊集「社企食神美食專區」

社企不斷追求創新同多元化，今年喺灣仔會展美食博覽1樓1E展覽廳A28號嘅「社企食神美食專區」，除咗有多款創意美食之外，仲有多間首次參與美食博覽嘅社企，佢哋主要提供健康、有機、純素為主題嘅美食同飲品，以行動話畀大家知「只要用心，美食都可以有建樹」，啱晒注重健康同追求綠色生活嘅你！即睇有咩美食推介同優惠跟住入貨啦～

善膳工坊創新「善意素食」主意- 必試招牌粳米口感軟糯

由一班寺院義工成立嘅善膳工坊，提倡「善的循環」、不殺生、無毒無害嘅素食文化，佢哋製作多款特色急凍素食品，例如點心、即食素臘味飯、純素懷舊小菜餸菜包等。善膳工坊招聘一班基層婦女負責生產工序，過程中會培訓佢哋入貨、設計菜式等技能，增加佢哋就職同發展事業嘅機會。

品牌不斷開發新嘅營養菜式，亦會向寺院法師、資深中菜師傅、素食餅廚等取經，其中「粳米系列食品」更加係佢哋嘅皇牌產品。粳米係北方出產嘅粘米，其黏性、口感都同糯米相似，但就冇糯米對健康做成嘅負擔，係老少咸宜之選。

粳米食品包括粳米G[飯糰]（$32/件，買5送1）

為咗將素食文化更加融入主流社會生活，品牌設計咗多款即食產品，例如素蝦餃、蘿蔔素羊腩等，加熱就食得，非常適合繁忙嘅都市人。

即食素點心、家庭風味餸菜包-蘿蔔素羊腩（$42-78/款，買5送1）

善膳工坊將會推出多款自家製純素月餅，包括椰棗五仁、松子白蓮蓉同陳皮紅豆沙口味，全部無食品添加劑仲低糖低碳，想用優惠價購買嘅朋友，可以現場預購禮劵。

純素月餅禮劵早鳥價：$168/盒

drinks330 主打健康有機豆品

drinks330致力生產健康食品，佢哋主打嘅「O＇beans 正豆」系列有機豆腐、有機豆漿，均無防腐劑、無人造色素同無添加劑，而所有豆製品都選用有機認證、無基因改造嘅黃豆同黑豆製作，健康有益。豆品由一班新生精神康復者參與製作，品牌會為佢哋提供在職培訓，期間有社工、導師同職業治療師跟進康服者情況，協助佢哋重投社會。

招牌有機豆腐提供原味、鹽鹵同黑豆味（會場價$12-18/盒）

品牌嘅原味同黑豆味有機豆漿，只加入少量冰糖調味，啱晒追求健康飲食嘅你。另外，佢哋嘅母機構新生精神康復會自設嘅農場，會供應自家種植嘅洛神花同香茅畀佢哋生產有機茶飲𠻹。

有機豆漿、有機洛神花、有機香茅茶（會場價$13-$15/支，24-28/2支）

如果你係麵控，不妨試埋佢哋自家品牌嘅意大利手工麵，有甜菜頭、抹茶、黑胡椒呢3款特色口味㗎。

手工意大利麵、有機小食等都可以喺度揾到

指定有機豆漿配螺絲粉優惠套裝（$30/份）

光咖啡掛耳咖啡包設創意健康口味

提倡平等就業機會同宣揚咖啡文化，係光咖啡嘅核心理念，佢哋為有志投身咖啡行業嘅弱勢社群提供在職培訓，例如營運咖啡亭同沖煮咖啡嘅技巧等，令佢哋更易轉投公開就業市場。嚟緊光咖啡會以少數族裔青年同低收入婦女作為重點培訓對象，藉此推廣跨代、跨國籍社會共融文化。

光咖啡嘅自家製「7味之旅」特色掛耳咖啡包口味獨特，其中黃金桂花、陳皮皇后、柑羅漢都係坊間少見嘅口味。而為咗滿足追求方便，又想嘆到優質特色咖啡嘅朋友，品牌更推出樽裝創意咖啡，多款口味嘅咖啡用電解還原水沖煮，口感比用一般飲用水沖煮更順滑，咖啡味更突出。

自家製樽裝創意咖啡（無酒精$60/瓶，有酒精$75/瓶）

特色掛耳咖啡包（$138起/盒）

另外即場預購咖啡或花茶配月餅、鳳凰酥或蝴蝶酥禮盒嘅禮劵，可享早鳥優惠價$298-308/盒（原價$368/盒）。

同場更多社企產品

同場仲有多間不同社會目的嘅社企，包括綠家居、母嬰康逸協會有限公司、安其兒有限公司、圍爐婦女創意伙伴、網煮有限公司、天糧行膳、綠悠天有限公司同香港公平貿易聯盟，佢哋出售嘅精選美食多不勝數，好似蔬菜麵、「甜孫」/素食薑醋、軟餐、中西式湯品等，甚至連有機蔬菜都有！社企業務自負盈虧，而大家幫襯社企可以直接支持佢哋營運，同時幫到社會上有需要人士。

健康湯包精選

綠悠天有限公司（T.E.P）｜滋補湯品以松茸、遼參等入饌