一到咗秋天就係打邊爐同食辣嘢嘅季節，諗起一大班朋友食住辣嘢，一面飲住杯凍冰冰嘅啤酒，你唔好話唔爽。 咁啱小編知道幾間風味小店，佢哋嘅新鮮卜卜蜆鍋、惹味雞煲同麻辣川菜配合埋藍妹啤酒，簡直係天作之合！即刻睇睇介紹，約埋朋友去飲返杯啦！
抵食惹味卜卜蜆煲
為食仔喺香港有三間分店，銅鑼灣分店主打卜卜蜆鍋，每一鍋都用上三斤新鮮沙白蜆製作。 生蜆放在雞湯入面煮熟，睇住蜆卜卜聲打開口，真係食慾都大增！粒粒蜆肉飽滿鮮甜，依家仲做緊推廣首半個鐘仲可以無限任添，好抵食。
為食仔嘅卜卜蜆鍋有四款口味：原味蜆鍋蒜香味濃、18禁就辣勁十足，同埋最新推出胡椒雞及冬蔭功味；前者鮮甜帶胡椒辛辣，後者酸辣適中「泰」味濃郁；四款送酒都無得頂。 如果鍾意食雞嘅朋友，可以考慮新出嘅雞蜆煲，炒香嘅雞件加埋鮮味十足嘅蜆，鮮甜帶微辣，非常惹味，食完雞煲仲可以加湯打邊爐。熱辣辣蜆煲配埋冰凍啤酒，爽呀！
地址：銅鑼灣駱克道491-499號京都廣場9樓
老店新裝任食雞煲
屹立18年嘅老店，以海鮮火鍋及小炒起家，兩年前開設灣仔分店，以年輕活潑的裝修示人，牆上有不同塗鴉，有11 間VIP房，好適合朋友聚會啤一啤！店內亦自設魚池，供應新鮮海鮮及活魚，任飲任食套餐包雞煲、海鮮以及配料任食，限時三個鐘，一定食到飽！
乾身的雞煲以麻辣醬、老干媽、花椒等秘製醬汁炒香，雞肉香料味濃帶麻辣，加埋油炸鬼索晒醬汁好滋味，仲可以不停refill，送酒就啱晒喇！食完雞煲就可轉湯底打邊爐，花甲蟹湯底以薯仔、南瓜等蔬菜熬成，熊仔造型梗係要相機食先！時令海鮮至少有六至七款， 仲有牛肉、手打丸等配料，加埋其他任食蔬菜，有得飲有得食好滿足！
地址：灣仔盧押道 18 號海德中心 2 樓
四川地道麻辣風味
十二味以地道四川成都菜式打響名堂，開業無耐嘅西環旗艦店，地方最大，而且有齊招牌 乾鍋及小菜，選用十幾款空運來港嘅辣椒如湖南椒、二荊條製作，辣仔辣妹一定要來試！
招牌乾鍋可以自選多款配料，加入薑蒜、湖南椒粒、印度椒、剪椒及乾鍋醬等炒香，鑊氣 十足，師傅特別推介索汁嘅配料，好似豆皮、寬粉、金針菇等，加埋爽脆嘅筍、椰菜花及 海帶等，有多種層次口感！凍食嘅串串似冷盤版麻辣燙，醬汁麻香十足，酸菜魚、辣子雞 等菜式，道道都濃郁香辣，黎到嘅朋友記得叫定幾支同啤酒特別夾，叫多幾款送酒就夠晒 爽 !
地址：西環堅尼地城山市街 10-14 號山市樓地下 1-3 號舖
*資料由客戶提供