吃大閘蟹有不少學問，唔想浪費一隻靚蟹，每個步驟都不容忽視！今次一於重溫一下，大閘蟹的三大最佳良伴，迎接蟹季來臨吧！

紫蘇葉

蒸蟹時加入紫蘇葉是常識吧？除咗有解毒驅寒作用，亦可辟除蟹腥，令蟹帶有陣陣紫蘇清香。一般大閘蟹店都會附送乾紫蘇葉，用新鮮紫蘇葉亦可。最常見的方法是放在蟹底，亦可放入水中隔水蒸，甚至放一片在蟹上，吸收香氣。

蟹醋

食大閘蟹以原味最佳，不過有時嫌蟹肉未夠鮮，蘸少少蟹醋都有提鮮效果。蟹醋除了現成的，其實自製亦唔難，樂雅軒大廚的製法是，一份鎮江醋加半份水及一茶匙糖，慢火煮溶，可以按個人喜好調校酸甜度，最後可加薑米或薑絲。

花雕、薑茶

食完蟹飲杯茶消滯，或者啤一啤佢？絕對唔好！茶含有丹寧酸，令蟹肉凝結成塊，引起消化不良。而啤酒則會太過寒涼，而且兩者都含高嘌呤，容易引發痛風。吃大閘蟹時，飲暖花雕加話梅，味道匹配亦能去腥提鮮，食完蟹當然要飲杯老薑茶驅驅寒啦。

鳴謝：城景國際樂雅軒中菜廳