 | 花C9食堂 花C9自小王子出世後淡出教琴工作，專心湊仔。喜歡利用不同食材鑽研菜式，讓孩子養成不偏食的好習慣。 |
花C9很喜歡逛超市，涼著冷氣，輕輕鬆鬆地慢慢選購。有一天經過樓下的商場超市，在魚檔看見新鮮的三文魚頭，份量大，價錢又經濟，最後忍不住手，買了一個回家自己焗。三文魚含有豐富之omega 3，而且魚油為不飽和脂肪酸，對心臟身體都非常有益。
其實花C9每星期也會烹調一至兩次三文魚，之後有機會再跟大家分享更多健康的三文魚菜式！
《材料》
三文魚頭 1個
檸檬 1/4個
紹興酒 2湯匙
鹽 少許
胡椒粉 少許
生粉 少許
《做法》
1. 先將魚頭洗淨抹乾，用鹽、胡椒粉、紹興酒及生粉醃大約半小時。
2. 將焗爐預熱至225度，放入三文魚頭焗大約15分鐘，反轉再焗約10分鐘，待兩面燒熟至金黃色，再塗上鰻魚汁，焗至焦香即成。
3. 吃前加上檸檬汁，即可趁熱食用。
製作小貼士
1. 不宜用錫紙包著焗製，因為它會黏著魚皮。建議將之直接放入焗盤，或墊上牛油紙才焗。
2. 除了焗三文魚頭之外，給小朋友吃的話，可以用同樣方法焗三文魚扒或三文魚柳，一樣健康兼方便快捷。
3. 大家亦可選擇用煎的方法代替焗，做法相當簡單。先下少許油燒紅鑊，放入三文魚頭，要煎得外皮香脆，必須注意時間，煎大約8分鐘便要反轉至另一面。待其燒至金黃色，塗上鰻魚汁，將兩面輕輕燒一燒即成。
※上述內容純屬作者個人意見，不代表本網立場。※