食糕點嘅日子又嚟喇！今年一月尾就係新年，快點買定糕點同屋企人過年啦，早啲買嚟食有優惠之餘，仲可以早啲享受𠻹～

黑松露雲腿臘味蘿蔔糕 唯港薈

米芝蓮推介餐廳自家製嘅賀年糕點，當中最吸引一定係黑松露雲腿臘味蘿蔔糕，以矜貴黑松露入饌，香氣濃郁，搭配鹹香雲腿臘味，食落齒頰留香，仲提升咗蘿蔔嘅清甜味道，真係香滑又滿足！另外仲有櫻花蝦瑤柱臘味芋頭糕同迎春薑汁金糖年糕，用料認真高質，香味十足。

早鳥優惠：2025年1月19日或之前訂購，即享85折早鳥優惠

金箔桂花金菠蘿十勝紅豆糕、黃金馬蹄糕 城景國際樂雅軒

主打百份百自家製、選料上乘嘅賀年糕點。金箔桂花金菠蘿十勝紅豆糕以招牌十勝紅豆糕為基礎，加入酸甜嘅金菠蘿、清香嘅桂花糖，仲以金箔點綴，造型鮮豔優雅，味道清甜又有嚼勁，紅豆粒與果香互相輝映，健康創新。傳統黃金馬蹄糕色澤金黃靚麗，採用上等馬蹄及精選食材製成，口感清爽香甜。

早鳥優惠：於2025年1月12日或之前訂購新春賀年糕點，即可享低至62折優惠

經典蘿蔔糕、傳統椰汁年糕 香港港麗酒店

兩款精選嘅賀歲年糕禮盒，無論係自家享用定送禮都一樣啱晒！經典蘿蔔糕加入臘腸、香鮮蝦米及清甜蘿蔔，味道豐腴甘香，再配上自家製XO醬，滋味層次更豐富。椰汁年糕口感香甜軟糯，帶有淡淡椰香。

早鳥優惠：凡於2025年1月10日或之前預訂賀歲糕點，可尊享75折優惠

紫薯紫米蜜果年糕 富豪酒店

今年準備咗多款賀年糕點，百份百香港製造。紫薯紫米蜜果年糕以高纖紫薯、紫米同新鮮無花果製成，口感柔軟Q彈，健康又滋味。金箔燕窩桂花糕以清新桂花配滋潤養顏燕窩，表層飾以金箔，清香輕盈又顯貴氣，係女士們嘅美顏之選！

早鳥優惠：於2025年1月10日或之前訂購賀年糕點，即可享低至66折優惠

金箔椰汁年糕、黃金滿福榴槤馬蹄糕 8度海逸酒店

呢間酒店推出多款自家製賀年糕點，鹹甜皆宜。包括創新口味嘅金箔椰汁年糕、香濃爽甜嘅黃金滿福榴槤馬蹄糕、滋補養顏嘅金箔燕窩桂花糕，以及熱賣之選嘅如意瑤柱臘味蘿蔔糕，每款糕點都寓意新一年豐足幸福！金箔椰汁年糕加入清甜蔗糖、濃滑椰漿同糯米粉製作，低糖健康之選，糕身煙韌細滑，椰香撲鼻。黃金滿福榴槤馬蹄糕以榴槤入饌，散發濃郁香氣，配搭清爽馬蹄，口感層次豐富。

早鳥優惠：訂購各款賀年糕點，可享高達8折優惠

文：Yanica