「OpenRice訂座感謝祭」又返嚟喇！一連串訂座/訂餐優惠同獎品等緊你哋呀~ 活動期間，逢星期三都會推出唔同嘅訂座訂餐快閃優惠，除咗訂座套餐最少有75折優惠外，購買時輸入限量優惠碼【THX60】，消費滿HK$500即減多HK$60。每週名額 300 個，逢星期三（11月9日、11月16日、11月23日）早上10時正準時開搶，並只適用於該星期嘅推介套餐，送完即止。

第六彈嘅快閃優惠包括多間意、日、中、泰國菜餐廳，菜式賣相精緻，部分餐廳更可眺望海景。優惠套餐由三道菜起，鋸扒、海鮮料理、炸物、香辣菜式等都有得畀你揀，記得準時開搶！

意大利菜海景餐廳 Isola Bar & Grill 

餐廳以白色為主調，又可以眺望維港景色，裝潢簡約舒服；而開放式廚房設計，讓客人一邊品嚐美食，一邊欣賞廚師製作料理嘅過程。訂座預購豐盛意式品味午餐、放縱意式盛宴晚市套餐，可以享用3或4道菜式，分別有吞拿魚他他、雜菌煙燻芝士薄餅配慢煮蛋、伊比利亞乳豬配甘筍及忌廉薑汁等風味菜餚。

[1位用]放縱意式盛宴晚市套餐[已連服務費] （按此預訂）
[1位用][一至五]豐盛意式品味午餐[已連服務費]（按此預訂）
[1位用][六至日]豐盛意式品味午餐[已連服務費]（按此預訂） 

摩登意大利菜式 Joia 

圓方廣場天台嘅餐廳，氣氛都好chill，而呢間設有室外用餐區嘅意大利餐廳就係其中一間，菜式更融合地中風海味。訂座預購意式經典三道菜午市/晚市套餐，頭盤同主菜有多款選擇，包括烤鴨胸配南瓜蓉及甘筍、茄子餡意式餛飩配煙燻芝士及鮮茄、牛肉塔塔配慢煮蛋黃等，甜品則分別有Tiramisu同焦糖意式燉蛋配咖啡雪糕。

[1位用] 放縱意式經典三道菜晚市套餐[已連服務費]（按此預訂）
[1位用] 放縱意式經典三道菜晚市套餐[已連服務費] （按此預訂）

高級意大利餐廳 Gaia Ristorante 

走高雅格調嘅現代意大利菜餐廳，室內以多個酒架裝飾牆身，室外座位則畀人置身於小花園嘅溫馨感覺。訂座預購高級意式風情午餐及甜品自助，可以享用水牛芝士番茄沙律、自家製貓耳粉配羅勒青醬以及自助甜品吧，啱晒甜品控嚟享用午餐；而矜貴意式風情三道菜晚餐有自製水牛芝士餛飩配蕃茄醬等特色菜式外，重配埋氣泡白酒或紅/白酒𠻹。

[1位用，2位起] 高級意式風情午餐及甜品自助 [已連服務費]（按此預訂）

[1位用，2位起] 矜貴意式風情三道菜晚餐 [已連服務費]（按此預訂）

現代意大利菜×多款蛋糕 Velo Italian Bar & Grill 

呢間主打現代意大利菜嘅餐廳，採用落地大玻璃窗設計，畀人開揚嘅感覺；而食物供應各款海鮮、肉類外，重有多款自家製蛋糕。訂座預購三道菜午市套餐同四道菜晚市套餐，頭盤、主菜、甜品等都有多款選擇，如冷吞拿魚醬汁伴小牛肉片、波斯頓龍蝦番茄意粉、香煎肉眼牛扒、Tiramisu等款式。

[1位用] 豐盛意式雅緻三道菜午市套餐[已連服務費]（按此預訂）

[1位用] 放縱意式雅緻四道菜晚市套餐[已連服務費]（按此預訂）

高檔日式居酒屋 KAIYŌ 

餐廳以木為設計主軸，加上日式風格掛畫作裝飾，大氣又典雅。而店名喺日文意指「海洋」，寓意餐廳好似海容納百川咁，提供多元化嘅傳統日本料理。訂座預購午市同晚市套餐，分別有特上壽司盛九貫、燒日本A4和牛焗芝士出初生蛋、什錦大蝦天婦羅等選擇，無論鮮味或香口菜式都有得畀你揀。

[1位用] 高雅和風居酒屋午市套餐[已連服務費]（按此預訂）

[1位用] 和風居酒屋精緻晚市套餐[已連服務費]（按此預訂）

精緻摩登中菜 舍 SHÈ 

坐擁維港景色、裝潢糅合中西文化嘅摩登中菜餐廳，菜式精緻亦好啱打卡。訂座預購摩登享受中式晚市套餐，可以品嚐頭盤、湯品、主菜等合共10款佳餚，包括香芒沙律蝦球、桂花蜜燒鰻魚、菜胆螺頭燉翅、六頭南非鮑魚鵝掌等，集各式鮮味同海味食材。

[1位用] 摩登享受中式晚市套餐[已連服務費]（按此預訂）

經典滬菜×蟹粉套餐 王家沙．花樣年華 

餐廳以年輕時尚嘅形象，傳承經典滬菜，而呢間分店更提供多款特色川菜同粵菜。訂座預購蟹粉午市/晚市套餐，分別有鮮拆蟹粉拌稻庭烏冬、蟹粉河蝦仁等時令菜式；而四至十二人嘅滬菜晚餐，則分別有蘇式鮮肉小籠包、宮保海中蝦、四川麻辣水煮魚等特色菜餚。

[1位用] 滬式鮮味蟹粉午市套餐[未連服務費]（按此預訂）

[4位用] 盛宴滬菜典雅四人晚餐[未連服務費]（按此預訂）

西式泰國菜 Greyhound Café Galleria / Greyhound Café 

來自泰國嘅時尚Cafe，裝潢走舒適休閒風格，供應嘅泰國菜更融入西方風味。訂座預購特色「泰」滋味下午茶，可享有14款鹹甜點，包括薄切三文魚配泰式辣汁、招牌脆炸單骨雞翼、脆炸泰式魚餅、芒果糯米飯等；而二人套餐則按個別分店，供應泰式傳統烤雞、雜錦海鮮大頭蝦冬蔭公湯鍋等菜式。

[1位用，2位起] 特色「泰」滋味下午茶[已連服務費]（按此預訂）

[2位用]時尚悠閒西式泰菜烤雞二人套餐[已連服務費]（K11 MUSEA店限定，按此預訂）
[2位用]時尚悠閒西式泰菜二人套餐[已連服務費]（其他分店，按此預訂）

立即搶訂「快閃訂餐」享優惠：（按此）

訂座感謝祭2022
活動日期：2022年10月3日- 11月30日
訂座感謝祭活動詳情：（按此查看）

-------------------------------------------------------------------
*優惠受條款及細則約束。如有任何爭議，OpenRice保留最終之決定權。
*100萬獎賞及400萬里數包括訂座任務、 訂座比賽及訂座大抽獎獎賞。
推廣生意的競賽牌照號碼: 56114。