「OpenRice開飯熱店2024」逐漸進入白熱化階段，各組別Top 20入圍名單誕生喇，但名單仍然會因你嘅投票有所變動㗎。而8月中旬將公佈Top 10入圍名單，留意兩個階段均不設排名先後，要支持你嘅心水食店，立即投票啦～
提提大家，今年菜式組別之細項有所調整，以更全面嘅方式讓大家支持唔同類型餐廳，如新增廚師發辦、西式糕點組別，咖啡茶飲則拆分為咖啡店同茶飲店組別。即睇部分入圍Top 20嘅餐廳簡介：
舞鶴（廚師發辦組別）
圖：hkmaizuru、餐廳（FB）
食得Omakase，梗係想嘆時令食材，呢間餐廳最近就引入菌中之王——松茸，炮製天婦羅等料理；另外香魚、初鰹都有機會因應時節食到。當然有靚食材都要有賣相先食得過癮，好似松葉蟹海膽盒，蟹肉、海膽、三文魚籽層層疊加，成個迷你小山咁，充滿意景。
媽不在家（西式糕點組別）
圖：嚟到呢間位於唐樓樓上嘅小店，好似走入奇幻世界，皆因佈置糅合懷舊同藝術風格，相當有特色。佢嘅蛋糕亦同樣IG-able，而且只供應唔同口味嘅芝士蛋糕，例如「藍人秘蛋」就用蝶豆花同青檸做出夢幻嘅紫紫藍藍色調；有時亦會推出是日推介，帶畀食客新鮮感。
挽肉と米（日本菜/新餐廳組別）
數到今年嘅新餐廳，唔知大家有冇排過呢間過江龍呢？手工漢堡扒跟返日本總店用炭火現烤之外，店內更特設「凍房」即場挽肉，以保持漢堡扒嘅新鮮度同色澤。另外客人食完一塊先再上下一塊，每啖肉咬落都熱辣辣又juicy；最後加埋醬料做DIY配搭，咁就一定啱你口味啦。
美味餃子店（粥粉麵店/外賣自取組別）
圖：無論湯餃或煎餃，外賣自取都好方便，而呢間專門店每日手工包製足料餃子，食落有家嘅感覺。口味方面走傳統路線，有雲耳椰菜肉餃、韭菜肉餃同白菜肉餃，配無味精生魚豬骨湯底更加香甜。如果鍾意重口味，必落自家製辣菜脯，口感豐富啲𠻹。
KABOOM（泰國菜/網上訂座組別）
圖：唔想排隊，幾時都係預早網上訂座最方便～好似呢間有埋海景嘅度假風餐廳，氣氛夠chill，係唔少人嘅checklist，book定位就最穩陣。主打嘅泰國菜、東南亞主題fusion菜惹味又精緻，好似Pasta with Grilled Octopus嘅八爪魚腳香軟易咬；飲品Damn Pissed Off!就用迷你浴缸做杯，未飲先打卡呀～
Top 20名單：（按此）
截止投票日期：2024年8月31日
*今年每個組別得獎結果100%由公眾選出，大家可用OpenRice手機APP直接投票，更加方便呀！
