中環地標石板街酒店內，有一間法式地中海菜餐廳，主力供應魚子醬同香檳。環境高尚雅緻，採用落地玻璃，透光度高，無論日頭定夜晚去都好有Feel。而且餐廳更掛上多幅由本地藝術家創作嘅畫作，有如置身畫廊一樣，充滿藝術感。

喺咁靚嘅地方食嘢咪好貴？又唔一定嘅。餐廳最近推出幾個訂座優惠，只要經OpenRice網上訂座，都可獲得85折優惠呀。

85折  地中海元素三道菜嚐味晚餐：（預付訂座按此）
85折  地中海元素五道菜豐盛晚宴：（預付訂座按此）

先介紹晚巿套餐，包括頭盤、湯品、意粉、主菜同甜品，客人可按需要選擇三道菜或五道菜，並自選心水菜式。其中特別推薦以下幾款重點菜式：

荷蘭醬水波蛋配煙肉薯蓉及魚子醬

頭盤嘅升級選擇，荷蘭醬水波蛋配煙肉薯蓉及魚子醬幾吸引，以Huso Special Caviar配日本雞蛋，切開水波蛋見到湧出嚟嘅蛋漿感覺特別開胃兼治癒，蛋香十足，而且混合魚子醬一齊食亦充滿和諧感。

龍蝦濃湯

餐湯建議可升級為龍蝦濃湯，用上10kg波士頓龍蝦殼熬煮，真材實料，味道濃郁，而且唔係淨係得湯，仲可以嗶到好多爽口彈牙嘅龍蝦肉食。

虎蝦忌廉扁意粉

海鮮控無懸念，一定係揀虎蝦忌廉扁意粉，蝦肉鮮爽，汁底更係加入以蜆同龍蝦等海鮮熬煮而成海鮮上湯，難怪啖啖鮮香。

乳鴿配白酒乳鴿醬

主菜則推介慢煮乳鴿配白酒乳鴿醬，乳鴿先慢煮約半個鐘，再煎香表面，另外再炒香乳鴿骨架同白酒，用慢火煮成醬汁。所以可以做到乳鴿皮脆肉嫩，仲有juicy同酒香之口感。

北海道牛奶雪糕配香檳及魚子醬

想要有個完美結尾，千其唔好錯過升級嘅甜品——北海道牛奶雪糕配香檳及魚子醬，即叫即做。呢個組合幾新鮮，味道鮮甜帶鹹香，夾得嚟仲好有層次感。

85折  典雅地中海風二人下午茶：（預付訂座按此）

至於下午茶，一向都係女生們嘅至愛。呢度無論環境定擺盤，都好啱約埋閨蜜一齊嚟個girl’s meeting。今期下午茶以「典雅地中海風」為主題，供應4款鹹點以及4款甜點，包括法式牛肝菌蛋批 、莫斯卡托啫喱伴雜莓泡沫等，飲品方面更可選擇升級追加香檳。

餐廳設有可容納8-10人嘅私人包廂，隱私度高，好適合開小型派對或者舉辦event，甚至一大班朋友或同事想話包場，都有得諗呢。

HUSO   
地址: 中環皇后大道中74號石板街酒店1樓2號舖