呢個「無蛋系列」嘅蛋糕，主要係用米粉同豆乳製成嘅豆乳蛋糕，而砂糖就用甜菜提煉出嚟嘅甜菜糖代替。朱古力慕絲蛋糕最底層呢，就係用米粉整嘅朱古力海綿蛋糕，夾埋滑脟脟嘅豆乳慕絲，同埋面頭嘅朱古力碎曲奇，有tiramisu嘅風格形態，但係就冇tiramisu嘅芝士味，令唔食芝士嘅朋友都終於有機會可以試到tiramisu嘅風味。
而野莓慕絲蛋糕面嗰層就係檸檬味豆乳慕絲再搽多層紅桑子醬，另加原粒紅桑子同埋藍梅果實同豆乳忌廉，清新之中帶點酸味。
除咗清新蛋糕，又點會少得主食burger先得㗎？和牛煙肉漢堡仲要係香港限定㗎咋！嚟自澳洲和牛漢堡再配埋秘製嘅牛油果Wasabi汁，係fresh嘅。牛油果同wasabi相互發揮「牽引」作用，牛油果可以中和返wasabi嘅辣，而wasabi又可以減低牛油果嘅油膩感，相輔相成，令成個漢堡嘅層次都提昇咗。12月17號開始就有得食喇，但食到下年1月尾就冇㗎喇留意返。
最後見天氣凍凍地，送多個溫馨小提示畀你哋啦，12月23-27號期間，朱古力咖啡果凍買一送一呀！！！不過首先你要like咗佢哋個專頁，或者出示VIP卡，想飲就趁早，數量有限呀（好似係）。
文：Kar
隨時接收最新資訊
讚好OpenRice專頁！
