冬天係番薯同薯仔嘅季節，天氣一凍就個個都著到成隻薯仔咁，而且喺街頭飄嚟果種燴番薯香味真係超吸引！今個聖誕節，MCP新都城中心就以薯蛋頭夫婦做主題，仲喺商場入面開設Pop-up小食檔，請咗三大「薯」牌坐陣，由米芝蓮街頭店到台灣過江龍都有！你想試邊款特「薯」滋味？
先嚟得到香港米芝蓮街頭小食推介嘅叁薯，佢地嘅特色焗薯同薯仔小食就一向都有唔少捧場客，今次更加首次推出薯味GELATO。食正紫薯熱潮，將柔滑紫薯同薯仔蓉放入鬆脆雪糕筒再加各種醬汁同Topping，望落真係同雪糕非常似，就算相機食先都唔怕佢融，又一Selfie之選。另外亦有賣招牌焗薯，獨家推出手撕豬肉新口味，熱辣辣又滿足感十足。
講開薯仔不得不提香港人最愛之一薯片，而珍珍就更加係香港本土薯片代表，佢地搞咗個聖誕DIY薯部屋，任你發揮創意，將手上嘅原味薯片加入限定口味醬料同調味粉，鐘意鹹味薯片嘅可以加龍蝦湯味又或者章魚小丸子味粉，而鐘意甜味嘅就可以加榛子醬同朱古力醬，自由Mix and match出屬於你嘅獨一無二口味。
最後仲有台灣過江龍挑機！胖達人Pop-up檔用咗薯仔、番薯同紫薯配搭新鮮食材，獨家推出五款「薯」不可擋嘅麵包。火腿薯蓉燒餅加入黑胡椒調味，令幼滑嘅火腿薯蓉滋味Upgrade，而農夫紫薯乳酪就大膽將紫薯同忌廉芝士配搭埋一齊，紫薯嘅天然清甜加上忌廉芝士嘅微酸，味道特別。注意分量唔細，加上無論薯仔、番薯定紫薯都非常飽肚，適合同人開心Share。
MCP新都城中心 – 聖誕限定薯味專區
活動日期：即日起至2016年1月3日
聖誕DIY薯部門活動日期：2015年12月12、13、19、20、31日及2016年1月1日至3日
需以電子貨幣即日消費滿HK$300
每日名額250個，先到先得，換完即止
隨時接收最新資訊
讚好OpenRice專頁！
